Maneho temporal pa botonan local

Dit item is gearchiveerd op 30-04-2020.

ORANJESTAD - Door di e crisis di COVID-19 Gobierno a introduci un maneho temporal pa botonan local, como tambe pa e proceso di renobacion di permiso pa nabega den awanan di Aruba (vaarvergunning).

Considerando e necesidad pa mantene actividadnan maritimo local, specialmente cerca esnan cu ta depende di piscamento como nan sosten financiero, Minister di Transporte, Comunicacion y Sector Primario, Sr. Chris Romero, a fiha un maneho temporal pa loke ta trata e permiso pa nabega (vaarvergunning).

Conforme e maneho nobo y temporal e periodo di validez di un ‘vaarvergunning’ cu a caduca, of lo caduca den tempo corto, lo keda automaticamente prolonga cu un periodo di 6 luna mas. Esaki ta nifica cu e propietarionan di boto por nabega pa 6 luna mas sin cu tin mester di tramita un ‘vaarvergunning’ nobo. Dus, no mester acudi na Directie Scheepvaart pa haci ningun tramite, como cu e ‘vaarvegunning’ actual ta keda cu validez te cu un proximo aviso, sin importa cu e ta caduca.

Lo adapta e maneho nobo y temporal menciona segun e desaroyo di e crisis relaciona cu COVID-19. Segun e circunstancianan mehora, lo introduci cambio si ta necesario.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options