Ley di prohibicion di articulonan di plastic di un solo uzo como tambe Styrofoam y Oxybenzone

ORANJESTAD – Riba diamars 19 di november 2019 e  ley di prohibicion di articulonan di plastic di un solo uzo como tambe Styrofoam y Oxybenzone a pasa unanimamente den Parlamento.

Meta di Desaroyo Duradero #12 Consumo y produccion responsabelE ley aki ta conforme e  Metanan di Dearoyo Sostenibel (Sustainable development Goals (SDGs), specialmente numbernan 12, 13, 14 y 15 cu ta na beneficio di nos medio ambiente y salud di e ser humano.

Meta di Desaroyo Duradero #13 Accion climaticoConforme un Landsbesluit cu lo mester finalisa prome cu 2020, lo prohibi e productonan di mas basico cu ta perhudica den den cantidad grandi, nos medio ambiente. Manera cups, forki di plastic, tayonan, styrofoam box, straw di plastic y mas. Oxybenzone como un ingrediente presente den sunblock tin gran efecto negativo riba nos bida marino, specialmente nos coralnan.

Ad Prohibicion di articulonan di plastic di un solo uzoSi considera mitar di e totalidad di 1.7 miyon turista cu ta bishita nos isla anualmente, por imagina e impacto dañino cu esaki tin. Mester aplaudi iniciativanan local manera Aruba Aloe y Aruba Life Organics cu ta companianan local cu ta produci productonan alternativa manera e sunblock cu ta organico. 

Meta di Desaroyo Duradero #14 Bida bou awaProximamente lo traha hunto cu comercio pa mira e alternativanan cu por crea pa e productonan aki, cual realmente no ta dificil si nos bay bek na con e tabata algun decada pasa.  

Meta di Desaroyo Duradero #15 Bida riba teraImportante pa indica ta cu e lista cu prohibicion lo ta un lista dinamico cual por keda adapta y elabora riba dje den consulta cu diferente actor importante.

E ley a pasa 19 di november 2019 y lo efectua esaki entrante prome di juli 2020. Caminda cu ni importacion ni benta di e producto lo ta permiti mas na Aruba. Dunando tur persona e tempo necesario pa haci nan adaptacion y forma di opera pa por cumpli cu ley. Lo keda publica elista di productonan cu primordialmente lo prohibi den medionan di comunicacion.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options