IVA ta pidi pashentnan pa hiba nan remedi Ranitidine y Zantac® cu dokter a prescribi bek na nan botica

ORANJESTAD -  Inspectie Volksgezondheid Aruba (IVA) a haya notificacion cu a saca for di mercado e siguiente remedi:

  • Ranitidine, bendi bou di e nomber di Ranitidine
  • y Zantac® 

E remedinan aki ta di e siguiente fabricanan:

  • Accord Healthcare B.V;
  • Apotex Nederland B.V.;
  • Aurobindo Pharma B.V.;
  • GSK, Mylan B.V.;
  • Omega Pharma Nederland B.V.;
  • Sandoz B.V
  • Teva Nederland B.V.

E motibo cu e saca Ranitidine for di mercado ta cu e ta contamina cu N-Nitrosodimethylamine (NDMA). NDMA ta un kimico cu probablemente por causa cancer. Sinembargo e risico pa haya cancer door di uza Ranitidine cu ta contamina cu NDMA ainda no ta comproba.

Ad Recall Ranitidine y ZantacPersona  cu ta sufri di zuur, dolor, kimamento y/of ulcera di stoma ta uza Ranitidine. Si bo persona ta uza e remedi Ranitidine y/of Zantac® cu ta produci door di e fabricanan ariba menciona y a haya e remedi cu un receta di dokter, bo persona lo mester entrega e remedi aki bek na bo Botica y acudi cerca bo dokter di cas pa prescribi un otro remedi.

E Inspectora di Remedi, drs. Roselynn Angela (Boticario) ta urgi tur pashent cu a haya Ranitidine cu un receta di dokter pa stop di bebe e remedi inmediatamente y pa hiba e remedi Ranitidine bek pa nan botica. Tambe e Inspectora ta pidi tur pashent cu tin pregunta y/of un preocupacion pa tuma contacto cu su botica y/of su dokter cu a prescribi e remedi.

Inspectie Volksgezondheid Aruba lo informa pueblo pa cualkier cambio na su debido momento. Por haya e lista completo di e remedinan cu a saca for di mercado aki bou.

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options