Invitacion na pueblo en general y particularmente nos hobennan pa bishita nos Museo Arkeologico

ORANJESTAD –  Minister di Cultura, Xiomara Ruiz-Maduro y Museo Arkeologico Nacional di Aruba (MANA) ta invita pueblo en general y specialmente nos hobennan y turistanan pa pasa bishita MANA cu a haci su reapertura recientemente.

Edificio Museo Arkeologico Nacional di ArubaMANA ta contribui grandemente na conscientisacion di nos cultura y tin un contribuccion balioso na educacion specialmente di nos hobennan. E exposicion permanente tin mas cu 10.000 artefacto di historia di Aruba. E hobennan ta cera conoci cu e coleccion grandi di varios artefacto cu tabata ser uza den pasado, e manera di biba y e parti spiritual di nos antepasadonan.

Exhibicion temporario“Lasonan Caribeño”Actualmente MANA ta hospeda e exposicion internacional temporario ‘Lasonan Caribeño’ hendenan conecta antes y awor, cu ta habri te october 2020.

MANA su personal ta traha cu hopi dedicacion pa conscientisa e balor y importancia di e herencia arqueologico di Aruba. MANA ta organisa entre otro tour y programanan educacional pa nos hobennan tocante nos herencia cultural arqueologico.

Bishita cu guia Museo Arkeologico Nacional di ArubaMANA ta conserva nos herencia cultural y ta siña nos di unda nos ta bini y ken nos ta.

Ta invita pueblo en general y specialmente nos hobennan y turistanan pa haci MANA un bishita.

Orario Museo Arkeologico Nacional di Aruba
Dia Orario
Dialuna 1:00 pm - 05:00 pm
Diamars 10:00 am - 05:00 pm
Diaranson 10:00 am - 05:00 pm
Diahuebs 10:00 am - 05:00 pm
Diabierna 10:00 am - 05:00 pm

Entrada ta gratis.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options