Investigacion Aruba Airlines door di Gobierno di Aruba

Dit item is gearchiveerd op 13-03-2020.

ORANJESTAD - Relaciona cu acusacionnan contra Aruba Airlines den e programa actualidad Nieuwsuur di Nederlandse Publieke Omroep (NPO) riba 7 di januari 2020, Parlamentario Marlon Sneek di AVP a haci pregunta na Prome Minister Evelyn Wever-Croes.

Parlamentario Sneek tawata kier sa e opinion di Gobierno di Aruba riba e acusacionnan aki contra Aruba Airlines y contra Gobierno di Aruba. Gobierno a contesta señor Sneek cu Gobierno ta tuma e acusacionnan aki hopi na serio.

Aunke cu Aruba Airlines di su banda a nenga categoricamente cu e acusacionnan aki ta berdad, Gobierno di Aruba toch a haci un investigacion mustrando e compania Aruba Airlines riba e importancia pa respeta e derechonan humano.

Avion Aruba AirlinesRiba e supuesto acusacionnan contra Gobierno di Aruba, Gobierno a contesta señor Sneek cu den e programa di television Hulandes no tawata tin acusacionnan den direccion di Gobierno.

Parlamentario Sneek a puntra tambe pa haya un splicacion di e Corporate Structure di Aruba Airlines, dus con e compania ta hinca den otro. Gobierno a informa señor Sneek cu e compania aereo mester cumpli cu exigencianan di “Substantial Ownership” y “Effective Control”. Aruba Airlines tur momento mester por comproba cu mas di 70 % di e accionnan (shares) y e decisionnan cu ta tuma, realmente ta den man di ciudadanonan di pais Aruba of e companianan incorpora na Aruba. E oficina principal y e operacionnan di e compania mester ta na Aruba. Den esaki, Gobierno di Aruba a indica cu Aruba Airlines ta cumpli cu e exigencianan aki den nos leynan. Pa demas informacion, a referi Parlmentario Sneek na Camara di Comerio di Aruba.

Riba e pregunta di e Parlamentario si a haci excepcion riba cierre di frontera y a base di kico a haci e excepcion, Gobierno a contesta cu a base di e decreto di 10 di mei di 2019, den cua a anuncia e prome cierre di e frontera cu despues a cambia pa esun di 22 di mei 2019, cu a prolonga un par di biaha mas. Na e momento aki, e cierre di frontera ta valido te cu 10 di maart 2020.

E prohibicion di e transporte aereo entre Aruba y Venezuela ta existi keto bay pero cu cierto excepcion, entre otro pa trece Arubanonan bek pa Aruba y hiba Venezolanonan cu ta pega na Aruba bek nan país, tanto boluntariamente como via deportacion. Esaki ta fiha den e decreto di 22 di mei 2019 number 1 (LB van 22 mei no. 1). Basa riba e decreto aki, solamente Director di Directie Luchtvaart por duna e excepcionan. Ya caba el a ricibi 60 peticion cu ta basa riba e excepcionnan menciona den e decreto. A honra e peticionnan a base di e decreto di 22 di mei 2019.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options