Innovacion ta e yabi pa desaroyo di Aruba den futuro

ORANJESTAD – Actualmente gobierno ta trahando riba 3 proyecto di innovacion pa prepara pa e cambionan hopi lihe den tecnologia.

Ad e-government1. E-GOVERNMENT

e-Government ta un trayecto importante, den cual lo digitalisa e servicionan di Gobierno, pa asina mehora e servicio di Gobierno na e ciudadano, haci e proceduranan mas lihe y mas transparente.    .

Meta di e-Government ta pa mehora calidad di bida di e ciudadano, unda e lo spaar tempo cu  e por dedica na su mes, su famia y hobby.

2. 100 INNOVATIONS

Ad 100 innovationsBanda di e-Government mester enfoca tambe riba crea e oportunidadnan, e ambiente apropia pa innovacion y entrepreneurship florece. Entrepreneurs lo haya oportunidad paemprende, pa faya y pa purba atrobe y atrobe, te ora nan logra nan obhetivo. Esaki ta exigi cu no tin burocracia mas y asina fomenta ideanan innovativo..

Den e cuadro aki a lansa e proyecto di 100 INNOVATIONS, un competencia cu ta habri pa tur hende, di sector publico, sector priva, sector educación/ academico, NGO’s, pa stimula tur hende pa crea ideanan innovativ0”.

Lo scoge 100 idea innovativo e aña aki y e ganadonan lo haya e sosten pa realisa nan solucion innovativo. Otro aña por tin 1000 ideanan innovativo. Aki bo mester pensa riba cualkier tipo di solucion pa e problemanan existente. Un otro forma, un forma nobo pa atende cu problemanan, pues no digitalisacion so. Asina Gobierno kier stimula hendenan pa traha pa yega na solucion  y no enfoca solamente riba e problemanan.

3. STEM THE GAP

Presentacion e-GovernementE di tres proyecto di innovacion ta ‘Stem the gap”. Nos sa cu mundo ta cambiando hopi lihe, nos sa cu dentro di poco lo tin trabounan cu no ta existi ainda. Nos no sa kico tur e cambionan lo ta, pero loke si nos sa ta cu nos mester prepara nos muchanan y nos hobennan pa nan por adapta na e cambionan y pa explora nan creatividad. E materianan / vaknan tecnico lo bira mas y mas importante. E materianan: Science (Ciencia), Technolog (Technologia), Engineering (ingeniería), y Mathematics (Matematica), ta forma e abreviacion STEM. Di naturalesa mucha hombernan tin mas interes den e materianan aki y den e profesionnan a base di e materianan aki, cu mucha muhenan. Y ya caba nos ta mira un gap grandi entre hende homber y hende muhe den e area aki.

Prome Minister a indica cu “si nos no haci nada, e GAP aki lo bira mas grandi, y nos hende muhenan den futuro lo exclui nan mes di e profesionnan aki. Tur locual cu nos a bin ta logrando como hende muhe, por bay perdi. P’esey nos ta enfoca hopi den stimula nos mucha muhenan den e direccion di STEM. Nos ta convenci cu STEM lo cera e gap entre hende homber y hende muhe, p’esey nos ta bisa STEM THE GAP”.

Recientemente a bin cu e concepto di Girls Lounge, cu ta un luga cu mucha muhenan por bin hunto y ta stimula nan den direccion di tecnologia. Aña pasa na october durante e siman di innovacion, a trece tambe hende muhenan cu ta specialisa den STEM pa papia cu mucha muhenan y hobennan, pa stimula nan mas.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options