Hotline coronavirus: 2800101

ORANJESTAD – Durante conferencia di prensa di 10 di maart 2020, Minister di Turismo, Salud Publico y Deporte, Sr. Dangui Oduber a informa cu desde diaranson mainta 11 di maart 2020, Gobierno ta activa un hotline/ centraal meldpunt exclusivamente pa hendenan cu tin síntoma di coronavirus –COVID-19.

Segun e protocol di World Health Organization (WHO) y Pan American Health Organization (PAHO), e meta di e hotline ta pa evita cu hende cu tin síntoma di coronavirus bay nan dokter di cas of hospital unda nan por contagia otro pashentnan

Por yama e hotline nr.  2800101 unicamente si tin e siguiente sintomanan:

  • Keintura;
  • Dolor di cabes;
  • Tos seco;
  • Problema serio respiratorio (problema serio pa hala rosea);
  • Si tin síntoma y a bin for di areanan di risico di coronavirus;
  • Si un persona tabata tin contacto cu un persona cu a test positivo pa e coronavirus y cu a bin di e areanan di risico..

Hotline coronavirus 2800101

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options