Gobierno di aruba ta baha e interes di Arubalening na 0%

ORANJESTAD - Minister di Enseñansa, Desaroyo Duradero y Ciencia, dr. Rudy Lampe a informa di e decision di gobierno pa baha e interes di e Arubalening na 0%.

Conseho di Minister a e tuma decision aki cu lo drenta na vigor entrante 1 di januari 2020.

E ley aki lo ta aplicabel pa esnan cu ya caba tin un acuerdo firma cu Aruba y pa esnan cu ta bay pidi un prestamo den futuro. Aruba lo ofrece e fiansa aki na un interes di 0% haciendo esaki mas facil pa nos studiantenan por paga bek una bes nan caba di studia. Esaki sigur ta un bon noticia pa e comunidad di Aruba pero en especial pa esnan cu pa añanan caba ta luchando pa por caba di paga e lening aki.

Gobierno ta considera estudio un parti esencial pa progreso di pais Aruba y bahando e interes di e Aruba lening pa 0% ta stimula nos hobennan mas ainda pa kier sigui studia ya cu na momento cu nan caba nan estudio por paga e lening aki mas wordo lihe. Esaki sigur por considea como un inversion den enseñansa di Aruba.

Gobierno ta spera cu e decision aki por conduci na trece mas profesionalnan Arubano pa bin contribui na e economia di pais Aruba.

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options