Gobierno di Aruba lo brinda ayudo na empresanan mediano y chikito y empleadonan

ORANJESTAD -  Minister President a anuncia riba 9 di maart cu Gobierno ta preparando un ‘economic and innovation package’ pa por aende cu e y su posibel efectonan económico Coronavirus COVID-19. 

Premier Wever Croes a Gobierno di Aruba ta trahando riba 3 plan di contingencia.

SALUBRIDAD

CoronavirusEsaki ta na encargo di Prome Minister y Minister di Salubridad. Gobierno di Aruba a eleva e nivel di preparacion pa coronavirus na un nivel di crisis pa asina Gobierno por prepara miho posibel como tambe pa sigura cu tin e recursonan disponibel di e fondo di crisis cu Gobierno a establece na 2018, pa asina atende cu esaki.

TURISMO

E plan di contigencia aki ta pa compensa den caso si nota un caida di turismo. ATA, APA y AAA, dirigi pa Minister di Salubridad, ta trahando riba diferente scenario y e plan di contigencia pa atende cu e eventualidad si nota cu e cantidad di bishitante baha. ATA tin un fondo di emergencia pa esaki.

ECONOMICO

Coronavirus COVID-19-virusE plan di contigencia aki ta cay directamente bou di Minister President. Si cantidad di turismo baha, esaki por tambe afecta nos economia, hustamente na momento crucial na unda cu Gobierno ta purbando pa rebiba nos economia. Riba proposicion di Prome Minister, Conseho di Minister a tuma e decision diabierna 6 di maart 2020 pa pone mas atencion na e inversionnan economico y bin cu e “Economic and Innovation Stimulus Package”. Gobierno kier ofrece ayudo na e empresanan chikito y mediano y e empleadonan cu haya nan mes den problema financiero door di coronavirus. E prome fase lo ta pa acelera e solicitudnan di inversionn cu ya a entrega sin cu e burocracia ta un obstaculo.

Gobierno ta spera asina cu por mantene economia ta draai, particularmente pa sigui duna trabou na esnan cu ta perde trabou. Tambe Gobierno lo establece un fondo economico y di innovacion pa apoya financieramente e empresanan. E cantidad cu lo inverti den e fondo aki ta depende di varios factor. Importante ta pa Presupuesto 2020 cu pronto lo trata den Parlamento, keda aproba.

Banda di esaki, Gobierno ta solicitando fondo di organisacionnan internacional cu ta pone fondonan disponibel pa situacionnan asina. Cu e fondo aki y e plan di emergencia cu actualmente ta traha riba dje, Aruba lo ta un di e prome paisnan miho prepara den nos region den e area aki. Esaki ta posibel danki na e hecho cu pa prome biaha den hopi aña, Aruba tin un surplus den nos presupuesto.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options