Gobierno a anuncia maneho nobo pa e ranchonan na costa y riba rif

ORANJESTAD – Recientemente Departamento di Infrastructura y Planning (DIP) a anuncia un maneho nobo pa regulacion di casitanan crioyo, miho conoci como rancho na costanan y riba rif rond di Aruba. 

E maneho ta vigente ta keda existi, pero loke ta bin acerca cu no ta pas mas den e reglamentacionnan, no por keda.  

Meta di e maneho aki ta pa:

  • Control y vigilancia. E ta necesario pa regula locual ta pasando cu e casitanan aki pa cual ningun hende ta parando responsabel. Hopi biaha tin hopi sushi rond di nan, ilegalidad cu ta tuma luga den nan y actonan inmoral. Cu e proceso cu ta cuminsa cu ne, esnan cu ta reconoce cu e casita ta di nan lo haya un permiso pa esaki y pa cual lo mester para responsabel tambe; 
  • Pa evita cu e cantidad ta sigui aumenta.

Cu e maneho nobo, no ta permiti pa construi mas di e casitanan aki. Pa medio di imagendi satelite lo controla anualmente e cantidad di casita cu tin y si tin cu a bin acerca. E casitanan cu bin despues di awe lo kita nan. Tampoco ta permiti pa amplia e  casitanan existente. 

Gobierno ta duna 2 luna pa esun responsabel registra na DIP y ta permiti solamente pa persona registra (no negoshi). Alabes ta enfatisa cu e casitanan ta pa uzo recreacional y no residencial

Segun DIP a indica cu un di e puntonan di salida di e ROP cu a keda introduci e aña aki ta: cu locual ta existente ta keda existi, y locual cu ta bin acerca cu no ta pas mas den e reglamentacionnan, no por.

Den cuadro di e ROPV c uta den tratamento, e aspecto di regulacion di tereno ta hopi importante. Por constata cu specificamente den tereno di naturalesa tin hopi di e casitanan crioyo ubica. Ultimamente DIP ta haya keho cu e casitanan ta aumentando mas y mas. Gobierno ta reconoce cu e casitanan aki tin balor tradicional cultural, p’esey e maneho lo percura pa esunnan cu tey sigui existi,  pero teniendo na cuenta e aspecto sostenibel tambe cual Gobierno ta para pe.

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options