Gobernador a huramenta vice-presidente Keltjens

ORANJESTAD - Riba dialuna 3 di februari 2020, Gobernador interino, Yvonne Lacle-Dirksz, a huramenta Sr. mr. J.M.J. Keltjens como vicepresidente di Corte Comun di Husticia, cu cede na Aruba.

Gobernador interino di Aruba, Yvonne Lacle-Dirksz, ta huramenta Sr. mr. J.M.J. Keltjens como vicepresidente di Corte Comun di Husticia, cu cede na Aruba. Sr. mr. J.M.J. Keltjens y Gobernador interino di Aruba, Yvonne Lacle-Dirksz.Prome cu Sr. Keltjens  a yega Aruba, e tabata magistrado (senior-rechter) y presidente di e team di comercio (team handel) na e Corte di Den Haag. E ceremonia di huramentacion a tuma luga na Cas Ceremonial di Gobernador, den presencia di, entre otro, Minister di Husticia, Procurador General interino, manager di establecimento (vestigingsmanager) na Aruba di Corte Comun di Husticia y e vicepresidente di beheerraad.

Corte Comun di Husticia di Aruba, Corsou, St. Maarten y di Bonaire, Sint Eustatius y Saba ta percura pa hurisdiccion den prome instancia y den apelacion (hoger beroep) na e islanan. Corte di Prome Instancia na Aruba tin cede na Aruba y e audiencianan tambe ta tuma luga eynan. E miembronan di Corte Comun di Husticia ta trata, casonan civil, casonan penal y casonan di maneho administrativo hudicial (cu ta inclui casonan fiscal) tanto den prome instancia como den apelacion.

Potret:┬ęGabinete di Gobernador

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options