Gobernador a bishita hospital HOH

ORANJESTAD -Riba diaranson merdia, 29 di april, Gobernador di Aruba, S.E. Alfonso Boekhoudt, a bishita Dr. Horacio E. Oduber Hospital (HOH) den cuadro di e lucha contra di coronavirus (COVID-19).

Gobernador ta bishita Hospital Horacio Oduber Durante su bishita, Gobernador a papia, entre otro, cu e dokternan, enfermero-/enfermeranan y trahadonan di hospital, como tambe cu e presidente interino di e Hunta di Directiva (Raad van Bestuur) y a informa su mes tocante e forma cu Hospital ta atende e situacion di crisis aki. Gobernador a expresa su aprecio pa tur esnan cu ta traha den hospital y ta brinda aporte den e lucha contra di e virus.

Gobernador ta bishita Hospital Horacio Oduber Pa ta bon prepara pa un posibel fluho di pashent nobo cu coronavirus, HOH, entre otro, a intensifica e medidanan contra infeccion, y a instala un departamento COVID-19 separa. Ademas a instala un unidad di triage pafor di hospital como precaucion pa asina por separa e pashentnan di Coronavirus tempran for di e otro pashentnan, reduciendo asina e riesgo di infeccion. Tambe a expande e capacidad di cuido intensivo substancialmente, incluyendo e aparatonan pa hala rosea y personal medico di Hulanda.

Pa medio di e combersacionnan telefonico y, si ta posibel, bishitanan di trabou, Gobernador Boekhoudt ta informa su mes tocante e consecuencianan di e brote di coronavirus y ta expresa su apoyo y aprecio pa e esfuerso di hopi persona den e lucha contra e pandemia. Ta tuma medida, den consulta cu e organisacionnan involvi, pa asina e bishitanan di trabou por tuma luga na un manera sigur

Potret : ┬ęGabinete Gobernador Aruba

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options