Extra servicio di caha na Camacuri pa pago di vehiculo di motor riba diasabra

ORANJESTAD – Departamento di Impuesto ta participa cu lo duna servicio extra riba diasabra den luna di februari.

Entrante diasabra awor dia 1 di februari 2020 lo tin servicio di caha na nos oficina principal na Camacuri.

E servicio aki ta conta pa pago di vehiculo di motor como tambe pa cualkier otro tipo di impuesto cu excepcion di pago di permiso pa DIMAS. Departamento di Impuesto ta brinda e extra servicio aki pa asina clientenan cu ta hopi ocupa den siman por probecha pa haci nan pago.

Aki ta sigui e fechanan riba diasabra y orario di Servicio di caha na oficina principal na Camacuri valido pa luna di februari 2020:

Servicio di Caha Fecha Orario (nonstop)
1 februari 2020 9:00 am - 2:00 pm
8 februari 2020 9:00 am - 2:00 pm
15 februari 2020 9:00 am - 2:00 pm
22 februari 2020 9:00 am - 12:00 pm
Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options