Exprodesk den colaboracion cu NEX Consulting ta organisa e tayer “From Zero to Hero”

Dit item is gearchiveerd op 15-08-2019.

ORANJESTAD - Departamento di Asuntonan Economico, Comercio y Industria (DEZHI) y su unidad Exprodesk ta organisa den conhunto cu NEX Consulting e tayer “From Zero to Hero, The exporter mindset: how to profit from your talents”.

E tayer lo tuma lugar diahuebs, dia 18 di juli, 2019, for di 9or di mainta te cu 1or di merdia na Departamento di Asuntonan Economico, Comercio, y Industria, cu ta situa na L.G Smith Boulevard #160, na edificio di Sun Plaza, riba segundo piso.

Ad Tayer From Hero to ZeroExprodesk ta organisa e tayer aki cu e meta pa promove exportacion y brinda personanan den e Industria Creativo y den e Sector di Servicio na Aruba, e oportunidad y conocemento necesario pa saca probecho di nan talento y creatividad. Alabes cu e tayer aki, Exprodesk ta stimula y brinda guia na nos empresarionan interesa den exporta nan producto of servicionan.

E Industria Creativo y e Sector di servicio ta sectornan cu potencial pa sigui desaroya na Aruba pa asina bende creacionnan local den mercadonan internacional. Exprodesk como un ‘Export Promotion Desk’ tin como obhetivo pa contribui na un desaroyo economico sostenibel atrabes di e capacitacion di nos empresarionan cu interes pa exporta door di duna informacion, guia, consulta, training y facilita diferente tayernan cu topiconan actual. Pa e motibo aki, Exprodesk a brinda e oportunidad na tur persona cu tin pregunta of cu kier sa mas con pa exporta nan producto(nan) of servicio(nan) pa participa na e tayer aki cu ta completamente gratis, pero cupo ta limita.

Pa e motibo aki nos ta pidi participantenan pa registra na tempo. Segura bo cupo, via e link: https://www.surveymonkey.com/r/ZeroToHero1 of scan e QR Code: QR Code

Pa mas informacion por por tuma contacto cu Sra. Sharon Meijer via: s.meijer@arubaeconomicaffairs.aw of bishita nos website www.exprodesk.com of nos facebook page www.facebook.com/exprodesk.

Sharon Meijer ehecutiva di Expro Desk

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options