Exprodesk den colaboracion cu Disc Makers ta organisa e seminar “Global Music Distribution: How to reach more fans and profit from your music!”

Dit item is gearchiveerd op 19-08-2019.

ORANJESTAD - Departamento di Asuntonan Economico, Comercio y Industria y su unidad Exprodesk ta organisa conhuntamente cu sr. Tony van Veen di Disc Makers, e seminario “Global Music Distribution: How to reach more fans and profit from your music”.

E seminario lo tuma lugar diabierna, dia 9 di augustus, 2019, for di 9.30 di mainta te cu 12.00 di merdia na Departamento di Asuntonan Economico, Comercio, y Industria, cu ta situa na L.G Smith Boulevard #160, den edificio di Sun Plaza, riba segundo piso.

Sharon Meijer ehecutiva di Expro DeskExprodesk como parti di su proyecto di Industia Creativo ta organisa e seminario aki pa tur musico cu ta desea di siña mas tocante e diferente plataforma di distribucion di musica digital. Sr. Tony van Veen lo papia riba su experiencia amplio riba e area di distribucion di musica digital y lo splica interesadonan exactamente loke nan tin mester (y mester haci) pa asina nan musica yega facilmente na tur e plataformanan grandi di streaming. Sr. van Veen lo papia tambe tocante con pa haci ganashi cu musica, publicacion y ingreso via YouTube, y otro formanan con pa aumenta ingreso di nos artistanan.

Sr. Tony van Veen a crece na Aruba y ta biba actualmente na Merca for di unda e ta fungi como e director general de e compañia lider den e industria di fabricacion di musica, Disc Makers. Sr. van Veen ta un Senior Executive cu mas di 30 aña di experiencia den liderasgo den diferente aspecto di e industria di musica y di medionan di comunicacion, incluyendo musica digital, fabricacion y operacion, derecho di autor, imprenta y distribucion. Sr. van Veen a administra tambe CD Baby, Disc Makers, BookBaby, AdRev y Merchly. Su companianan a traha cu miles di musico, cineasta y autor pa yuda nan pone nan canticanan, videonan y contenido escrito riba mercado.

Exprodesk ta brinda di e manera aki e oportunidad na tur nos musiconan cu tin pregunta of cu kier sa mas tocante e plataforma di distribucion digital, pa participa na e seminario aki cu ta completamente gratis. Espacio ta limita. Pa e motibo aki nos ta pidi participantenan pa registra na tempo. Segura bo cupo, via e link: https://www.surveymonkey.com/r/SeminarArubanMusicians of scan e QR Code: QR code

Pa mas informacion por por tuma contacto cu Sra. Sharon Meijer via: s.meijer@arubaeconomicaffairs.aw of por bishita nos website www.exprodesk.com of nos facebook page www.facebook.com/exprodesk pa registra.

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options