Edjean Semeleer a ricibi un reconocemento pa su aporte na Cultura di Aruba

ORANJESTAD - Durante e conocido show 'Hey ta Pasco' di Edjean Semeleer na Ser'i Noka, Minister di Cultura Sra. Xiomara Maduro a duna Edjean cu un reconocemento pa su gran aporte na Cultura di nos Pais.

Edjean Semeleer a ricibi un reconocemento di Minister di Finansa, Asunto Economico y Cultura Sra. Xiomara Maduro pa su aporte na Cultura di Aruba. Edjean tin un trayectoria artistico di 25 aña largo. Ya for di e edad di 3 aña Edjean a cuminsa duna mini concierto pa famia, a participa den Voz-I-Landia, a graba disco compacto y ta organisa concierto pa fin di aña.

Edjean a sa di gana un gran cantidad di premio y a ricibi varios reconocemento entre nan:

  • Premio Mo Tito y Rufo Wever;
  • den Ambiente Awards;
  • premio Cultural/Persona di Aña;
  • varios biaha ganador di 'Un Canto di Himno y Bandera;
  • varios biaha Rey di Dande.

Minister Maduro di Cultura den nomber di Gobierno di Aruba ta felicita Edjean pa su 25 aniversario artistisco ta gradici'e pa su aporte na e herencia cultural di nos Pais.

Edjean Semeleer durante su programa di Pasco na television

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options