E-books pa miembronan di biblioteca

ORANJESTAD - Nos no sa cuanto tempo e ‘lockdown’ y ‘Shelter in place’ ta bay keda, pero biblioteca a sigui busca manera pa ofrece su servicio na publico.

Biblioteca Nacional Aruba ta traha hunto cu Koninklijke Bibliotheek na Hulanda y un di e proyectonan cu a concretisa ta pa haci e onlinebibliotheek.nl accesibel na Aruba tambe. E servicio aki ta gratis, pa un periodo limita, na tur miembro di biblioteca.

Ad e-booksMiembronan cu tin interes pa haci uzo di e servicio aki por registra via email info@bibliotecanacional.aw.  Di dos paso ta cu bo ta haya instruccion con pa registra y un password+code. Miembronan cu ta email pa registra ta menciona nan nomber y fam, number di Smartphone y e number di e barcode riba nan carchi miembro.

Bibliotheek Online ta ofrece su servicio temporario di e-books y audiobooks gratis na miembronan di biblioteca di Aruba via un App. Tin un coleccion grandi di buki na Hulandes y un coleccion poco mas chikito di buki na Ingles. E coleccion tin tur sorto di buki mescos cu un biblioteca normal ta ofrece. Por lesa e-books riba computer, tablet, Smartphone y algun e-reader. 

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options