Directie Voogdijraad lo ta cera pa publico entrante 16 te cu 31 maart 2020

ORANJESTAD - Directie Voogdijraad ta informa cu en conexion cu e anuncio di Gobierno di Aruba referente COVID-19 (Corona Virus) a activa e tercer fase di contingencia di nos protocol pa atende cu esaki:

  • Directie Voogdijraad lo ta cera pa publico entrante 16 te cu 31 maart 2020.
  • Dependiendo di evaluacion despues di dia 31 maart 2020, nos lo informa pueblo di Aruba debidamente.
  • Nos servicio di cashier lo ta cera pa e siman di 16 te cu 20 maart 2020 y lo evalua despues di esaki si lo habri algun dia pa por haci pagonan di alimentatie.
  • Nos ta urgi tur persona cu ta paga alimentatie pa haci esaki via nos cuentanan bancario di Aruba Bank 221501.0 of RBC Bank 31.47.878 y duna e alimentatienummer como referencia.
  • Pa cualkier pregunta/informacion/preocupacion por tuma contacto cu nos na telefoon 582-1262 of por manda un e-mail na directie.voogdijraad@aruba.gov.aw y nos lo tuma contact cu bo persona mas pronto cu ta posibel.
  • Den momentonan di situacion di peliger agudo (acute) pa cu menornan, Voogdijraad lo wordo contacta door di Polis.

Nos lo keda monitor e situacion y lo informa debidamente segun e desaroyo.

Nos ta pidi nos disculpa pa e inconveniencia cu esaki por causa. Por ultimo nos ta enfatisa e responsabilidad individual di un y tur pa preveni Corona Virus door di sigui e consehonan di Gobierno di Aruba hunto cu DVG

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options