DIP ta actualisa peticionnan

ORANJESTAD – Desde 5 di augustus te cu 16 di augustus Directie Infrastructuur en Planning (DIP) lo actualisa peticionnan cu tin hopi tempo den sistema.

DIP tin mas o menos 22 producto, cu no ta ‘up to date’, pues tin peticionnan entrega pa hopi aña, cu no a atende nan. Pa e motibo aki a tuma e decision pa contesta y actualisa e peticion di e ciudadanonan. E actualisacion di e lista di pre reservacion di tereno tabata exitoso, awo ta toca turno e siguiente partinan cu ta:

  • Uitbreiding/expansion di tereno,
  • erfpacht caduca
  • erfpacht comercial.

Uitbreiding/expansion di tereno
Actualmente tin mas o menos 2000 hende cu desde 1999 a entrega peticion pa expansion. Mayoria di e peticion pa expansion, ta pa un tereno no grandi, p.e. un camber extra of un garashi. DIP a manda carta pa e grupo di personanan aki, unda a informa nan cu nan por pasa entre 5 di augustus y 16 di augustus 2019 na DIP, pa reinscribi nan peticion cu nan kier e expansion. Unabes cu nan confirma cu ainda nan ta interesa den e expansion y nan paga pa esaki, DIP lo por manda nan midi na Kadaster pa despues di 3 luna nan por haya e expansion.  

Erfpacht
Un otro producto di DIP cu e departamento lo tuma accion pa actualisa e lista ta encera erfpacht cu a caduca. Tin personanan cu desde aña 1986 cu ta pidi ‘verlenging’ di nan erfpacht cu a caduca. Pa cual tin mas o menos 300 peticion den sistema. DIP ta haci peticion na tur hende pa reinscribi entre 5 di augustus pa 16 di augustus 2019 pa nan tambe por haya nan extension di erfpacht. Pa loke ta erfpacht comercial, tin mas o menos 2000 hende cu desde 2008 ta pidi opcionnan. Pa cual nan tambe lo tin e oportunidad pa inscribi.

Oficina cera
Despues di e dos simannan aki cual DIP lo atende cu e peticionnan atrasa, lo percura pa tur cos ta den computer, pa cual lo bay cera oficina di DIP pa publico. Di e forma aki lo caba di procesa tur e peticionnan aki. Ademas DIP lo haci uzo di e dianan cu ta cera pa publico pa prepara pa e proximo ocasion di entregamento di carta di pre reservacion pa personanan cu a entrega peticion na 2008/2009, pa nan tambe por yega na realisa nan soño di construi nan cas.

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options