DIP lo keda cera pa publico te cu 20 di april, 2020

Dit item is gearchiveerd op 03-05-2020.

ORANJESTAD - En conexion cu e medidanan di Gobierno relaciona cu COVID-19 e.o. Shelter in Place”, Departamento di Infrastructura y Planning (DIP) kier participa, cu nos lo keda cera pa publico te cu 20 di april, 2020.

Alabes, DIP kier participa algun informacion di suma importancia na comunidad

  1. Cualkier cliente cu tin un peticion of pregunta importante y no por warda despues di 20 di April, por manda un e-mail na info@dip.aw;
  2. Si pa un motibo of otro, Bo persona a perde trabou, y ta den e proceso pa pasa akte na notario, por favor manda un e-mail na uc@dip.aw pa informa nos di esaki.
  3. Si bo persona ta den e proceso pa pasa acta na notario y bo contract a caduca, por manda un email na uc@dip.aw pa pidi un extencion.
  4. Tur cliente cu ta den proceso di reservacion y cu ta pendiente pa ricibi contracto erfpacht y cu tin cu entrega mapa, bewijs van indiening DOW y papel di Censo na DIP, pa por fabor hasi esaki via e siguiente email: uc@dip.aw prome cu e fecha limite cu e cliente a haña. Please inclui e informacion di bo notario.
  5. Pa extension di erfpacht existente (60 jaar), e proceso lo continua normal, (Tuma nota cu bo documentonan mester ta na notario caba). Pa esnan cu ya a haci nan peticion y no a ricibi nan contract ainda, DIP lo tuma contacto cu bo persona na momento cu esaki ta cla.
  6. Tur precario ta wanta, y esaki ta conforme e decreto di Gobierno di “Shelter in Place”.
  7. Temporada di campamento april 2020, lo keda cancela, conforme e decreto di Gobierno “Shelter in Place y Toque de Queda”.
  8. Pa locual ta entrego di pre- reservering di esnan cu ta riba e lista di 2013 bay ariba, esaki lo continua normal, manera cu “Shelter in Place” keda anula y nos lo regresa na normalidad.
  9. Muy pronto, DIP y Gobierno di Aruba, lo anuncia e maneho nobo pa locual ta trata huurgronden. Nos sector primario lo ta esun prome cu lo wordo stimula pa jump-start nos economia.
  10. Actualmente e peticionan di Ranchonan Crioyo ta den evaluacion.
  11. Peticionnan pa rosa tereno “Aanlegvergunning, Uitbreiding y Bestemmingswijziging” ta den proceso, pero debi na e “Shelter in Place” algun departamento di DIP lo por tin retraso den esaki.
  12. Na e mesun momento aki, DIP ta informa di ta den e fase final pa introduci e ROPV. Introduccion di e ROPV lo significa un desaroyo duradero pa nos pais cu un economia diversifica y balansa pa nos futuro generacion.

Aunke e corona virus ta un reto, DIP ta convenci cu esaki ta un oportunidad pa nos redesigna nos pais manera e vision di nos ROP 2019 ta indica.

Na final, nos kier pidi cada ciudadano respeta decisionnan cu Gobierno ta tumando. Ban keda cas, pa asina nos por yuda “Flatten The Curve”, y mas liher nos regresa na normalidad.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options