DIMAS ta introduci procedura transitorio pa pago di permiso

Dit item is gearchiveerd op 16-02-2020.

ORANJESTAD - Departamento di Integracion, Maneho y Admision di Stranhero (DIMAS) ta informa tur su clientenan y partners cu entrante dia 15 di januari 2020 lo introduci un otro procedura transitorio pa locual ta trata e orden y forma con e clientenan di DIMAS lo tin di cumpli cu nan pago pa e productonan di DIMAS.

DIMAS ta innovando y ta den un fase di transicion tocante e manera con lo ofrece su servicionan y productonan. Den curso di e promer parti di aña 2020 DIMAS ta bay introduci gradualmente e posibilidad pa su clientenan haci peticion online.  Lo introduci publico na e portal nobo di DIMAS, cu tur su beneficion na su debido tempo.

E cambionan mas importante na e momento aki pa cliente di DIMAS ta lo siguiente:

  • Cliente di DIMAS lo por haci su pago di DIMAS solamente cu un “Betaalorder checklist”, esaki ta un orden di pago digital cu DIMAS ta emiti. 

Edificio DIMASE “Betaalorder checklist” ta inclui:

  • e datonan personal di e cliente di DIMAS;
  • su number di cliente (CRV);
  • un barcode
  • un serie di number (= number di e orden di pago).

Con e procedura transitorio di e pagonan di DIMAS lo ta entrante di 15 di januari 2020?

  1. Cliente di DIMAS mester traha nan cita  online (website www.dimasaruba.aw) pa bin haci su aplicacion.
  2. Dia di e cita, e cliente di DIMAS ta presenta na DIMAS, pa haci entrega di su peticion pa e producto di DIMAS (sea cu ta un permiso di estadia of un declaracion di articulo 1 di LTUV of otro) y e cliente di DIMAS ta alabes entrega tur documento cu ta indica cu ta necesario pa por evalua e peticion pa e producto pidi. 
  3. DIMAS lo emiti na e momento ey un  “Betaalorder checklist” na e cliente di DIMAS specificando e suma(nan) cu mester paga, mediante su email adres personal. Ta hopi importante pa e cliente di DIMAS tin su e-mail adres personal corecto y accesibel.
  4. Cliente di DIMAS por procede pa haci e pagonan indica riba  e “Betaalorder checklist” sea via:

- Bill payment di Aruba Bank

- Bill payment di Banco di Caribe of

- na un di e oficinanan di Departamento di Impuesto (DIMP) ubica na e MFA-nan unda por  paga cu debit card (swipe) solamente.

  1. Cliente di DIMAS cu a haci nan pago online of na un MFA cu nan “Betaalorder checklist” dentro maximo 7 dia calendario, no mester presenta un biaha mas na DIMAS pa demostra e comprobante di pago. DIMAS mes lo ricibi un notificacion automatico di e pago realisa pa e cliente di DIMAS y lo percura pa e proceso di evaluacion di e peticion lo sigui cana
  2. Cliente di DIMAS cu no cumpli cu e pago indica riba e “Betaalorder Checklist” dentro di e periodo di maximo 7 dia calendario, lo ricibi un notificacion di e cancelacion/anulacion di e peticion.
Antes, te cu 14 di januari 2020 Entrante 15 di januari 2020
Cliente ta haci  su pago di permiso na Departamento di Impuesto y ricibi un stempel prome cu acudi e cita pa entrega su documentonan na DIMAS E cliente ta acudi na DIMAS dia di su cita. Durante di e cita na DIMAS e cliente  ta ricibi un “Betaalorder Checklist”, via e emailadres cu e provee DIMAS, pa asina e por haci  e pagonan.
Ta haci e pagonan na Departamento di Impuesto of na e booth di Departamento di Impuesto den e edificio di DIMAS

Despues cu e cliente ricibi su “Betaalorder Checklist” e por scoge pa haci e pago sea via e opcion di:

  •  Billpayment di Aruba Bank of Banco di Caribe
  • of por pasa na cualkier MFA y cumpli cu su pago via di e mashin di swipe.

DIMAS ta pidi tur cliente encarecidamente pa tene cuenta cu e cambio transitorio menciona aki riba. Den caso cu tin cualkier pregunta por tuma contacto libremente cu DIMAS via di nos pagina di Facebook  of e contactformulier riba nos website www.dimasaruba.aw.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options