Dia Internacional di Mangel (Mangroves)- Zwartmangel of Mangel Preto (Avicennia germinans)

ORANJESTAD - Riba 26 di juli ta celebra Dia Internacional pa Conservacion di Sistema Ecologico  di Mangel (mangroves).

Den cuadro di e dia importante aki, Departamento di Naturalesa y Medio Ambiente kier subraya e importancia nos sorto di mangelnan. E turmo ta na e mangel Tam.

E Zwartmangel of Mangel Preto ta haya su nomber posibelmente door cu for di su troncon e ta saca un colorante preto. 

Zwartmangel of Mangel Preto (Avicennia germinans)Por haya e Mangel Preto entre otro na Spaans Lagoen, Mangel Halto y Santo Largo na Savaneta den un habitat cu hopi salo y ta un di e poco especie di mangel cu tin un tolerancia halto pa cambio di temperatura.

Apesar cu su habitat ta uno di hopi lodo, yen di material organico, y deficiente na oxigeno, e mangel aki a adapta su mes na e ambiente. Por reconoce Zwartmangel na e snorkelnan (reis) cu ta sali for di tera of awa unda cu e por absorba oxigeno directo for di aire.

Buraconan den blachi di Zwartmangel of Mangel Preto (Avicennia germinans) causa door di concentracion di salo riba nan.Zwartmangel of Mangel Preto ta un mangel sabi, e ta chupa e awa salo for di tera, pas’e door di su troncon pa yega na e blachinan.  For di su blachinan e ta elimina e salo. Bo ta reconoce esaki door di e formacion di plekinan blanco, salo concentra, riba e blachinan. E concentracion di salo por crea buraconan pasobra e ta come e blachi su paden. E blachi ta sigui crece y e buraco tambe ta bira mas grandi y depues di esey, e ta cay.

Zwartmangel of Mangel Preto (Avicennia germinans)E Zwartmangel ta plama holo ora solo baha y ora solo subi. Zwartmangel su blachinan ta mustra shinishi; e ta un otro berde compara cu e otro sortonan di mangel.

Snorkelnan (reis) di e Zwartmangel of Mangel Preto (Avicennia germinans)cu ta sali for di tera of awa unda cu e por absorba oxigeno directo for di aire.Tambe tin diferente uzo pa cu e zwartmangel. E Zwartmangel chikito por come den caso di necesidad, pero mester herbe bon prome sino e ta venenoso. E ta un fuente di honing pa bij/abeha den e area di nos costanan, su flornan semper tin esaki den adundancia. E ta conoci pa produci un calidad halto di honing. Su troncon tin propiedadnan medicinal. Tambe ta uza e salo procedente di e blachinan den nos cushina.  

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options