Dia Internacional di Mangel - Fofoti (Conocarpus erectus) tambe ta un mata di mangel

ORANJESTAD - Riba 26 di juli ta celebra Dia Internacional di Mangel.

Famoso fofoti riba Eagle BeachEn conexion cu e dia aki Directie Natuur en Milieu kier a enfoca tambe ariba e mata di mangel Fofoti. Un di e matanan di Fofoti mas popular na Aruba ta esun na Eagle Beach. Hopi turista ta saca su potret hunto cu e bahada di solo. Den biento e Fofoti ta haya un forma masha particular y cu lama su tras, ta forma un paisahe masha bonita.  Fofoti ta crece na hopi parti na Aruba, entre otro na e costanan manera Malmok, Eagle Beach, Linear Park y Baby Beach. Tambe por haya e Fofoti den mayoria di e rooinan na Aruba, manera Rooi Prikichi, Rooi Canashito y Rooi na Sero Cristal. E Fofoti y e otro mangelnan ta matanan  protehi.

Meta Desaroyo Sostenibel 15 Bida riba teraE Fofoti ta un palo cu semper ta keda berde y ta crece, contrario na e otro mangelnan, mas paden riba tera firme pero si den bisindario di awa salo. Su nomber na Ingles ta “Buttonwood” esaki ta relaciona cu e forma di e fruta di e Fofoti, su fruta ta bruin y rondo mescos cu un boton. Door cu su troncon ta hopi fuerte tawata uz’e pa traha boto. Tambe tawata traha te di e troncon di e Fofoti pa uza contra irritacion di wowo of cuero. Ta importante pa menciona cu e uzo di cierto remedi natural no necesariamente ta aproba cientificamente. Ta keda na cada un pa haci su escogencia di remedi natural of no natural.

Fruta di Fofoti (Conocarpus erectus) ta bruin y rondo manera un botonUn otro sorto ta e Silver Buttonwood cu a introduci na Aruba for di Florida y ta uza esaki na Aruba pa decora hardin. Tambe DNM a topa algun di e matanan aki na Rooi Prikichi. Ta masha bunita pa wak e diferencia y cu nan ta crece banda di otro.

E habitat di Fofoti ta menasa door di perdida di su habitat den tur su area di Caribe, principalmente debi na desaroyo di nos costa. Ta estima cu tin un reduccion di 17%  di e area di mangel den Caribe di e especie aki desde 1980. Segun e Metanan di Desaroyo Sostenibel (Sustainable Development Goals-SDG’s), en particular SDG 15, mundialmente nos tin e meta pa proteha nos naturalesa riba tera.

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options