Dia 1 y 2 di februari lo otorga kavel di carnaval

ORANJESTAD – E ganadornan di un kavel pa carnaval ta conoci y dia 1 y 2 di februari uari 2020 lo otorga e kavelnan.

Buzon pa kavel di carnaval Esnan interesa durante luna di december ultimo a haci un peticion na oficina di DIP y eiba 14 di januari 2020 notario a saca number di ganadornan.

Tanto e ganador di un kavel pa wak carnaval como esnan cu ta bay bende cuminda y bebida mester cumpli cu cierto exigencianan di autoridadnan local. Violacion di reglanan por conduci na kitamento di permiso y/of haya un boet.

E ganador di un kavel mester presenta personalmente pa scoge e kavel di su gusto. No ta permiti pa manda un otro persona cu volmacht. Tambe e ganador mester presenta cu un prueba di identificacion valido y mester paga e suma envolvi mesora.

Edificio Departamento di Infrastructura y PlanningAriba diasabra 1 y diadomingo 2 di februari, 2020 ta cuminsa pa 8 or di mainta cu otorgamento di kavel. Diasabra ta cuminsa cu e kavelnan pa bende cuminda, sigui pa number 1 te cu 50. Despues di un pausa ta sigui cu number 51 te cu 100.

Diadomingo ta otorga kavelnan di bendemento di cuminda pa Noord y San Nicolas y e numbernan 101 te cu 150 y despues di un pausa e ultimo kavelnan lo bini na beurt.

Den e documentonan adhunto por tuma nota di tur e nombernan di ganadornan.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options