Desde 16 di december ta cuminsa acepta pago di impuesto di vehiculo di motor 2020

ORANJESTAD – Dia 16 di december proximo, Departamento di Impuesto ta cuminsa acepta pago di impuesto di vehiculo di motor di aña 2020.

Pago di impuesto di vehiculo di motorE clientenan cu tin un number di e categorianan A, TX, DT, B, O, MFA of V por scoge pa paga e impuesto den un of dos biaha. Por lo menos e prome mita di e impuesto pa tur categoria mester ta paga no mas laat cu dia 31 di januari 2020. E clientenan cu tin number personalisa y e motociclistanan mester paga e impuesto den un solo biaha.

Ta importante pa menciona cu e tarifa di impuesto 2020 a keda mescos. Alabes, ta bon pa tene na cuenta cu no ta posibel pa paga e impuesto di aña 2020 si no a paga e impuesto y boet di e aña aki y e aña(nan) anterior.

Por sigui tur informacion di Departamento di Impuesto riba e pagina di Facebook: https://www.facebook.com/impuestoaruba/ of via www.impuesto.aw.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options