Departamento di Salud Publico ta presenta e cifranan di porcentahe di mortalidad pa cada rango di edad

Dit item is gearchiveerd op 04-04-2020.

ORANJESTAD - Coronavirus a yega na tur continente cu excepcion di Antartica y e virus no ta afecta tur hende mescos.

Departamento di Control y Prevencion di Enfermedad Chines a caba di conduci un estudio cu ta mustra cu e virus ta afecta severamente hende di edad halto. Tambe e estudio a mustra cu mas o menos 80% di e casonan di corona virus ta sufri cu kehonan modera pa leve.

E estudio a colecta e datonan di mas cu 44000 pashent cu caso confirma na China te cu 11 di februari.  E ta duna un di e representacion mas amplio di con COVID-19 ta comporta den ser humano.

E datonan ta sugeri cu persona cu tin chens di muri di e malesa ta subi cu edad. Aki nos ta mustra e  cifranan di morto pa cada rango di edad segun e estudio:

E cifranan di morto pa cada rango di edad segun e estudio:

E estudio no ta raporta ningun morto den muchanan mas jong cu 10 aña, kende ta representa menos cu 1% di pashentnan. Pashentnan edad 10 pa 19 tin mesun posibilidad pa muri cu pashentnan di edad 20 te cu 39 aña, pero pashentnan den edad di 50 aña tin casi tres biaha mas e posibilidad pa fayece cu pashentnan cu edad di 40 aña. E riesgo di muri ta subi considerablemente entre pashentnan di edad 70 pa 80 aña, probablemente esaki tin di haber cu e personanan aki ya tin un problema di salud existente.

Segun e studio, pashentnan cu problema cu curason, lo por tin un probabilidad di morto di 10% y esun nan diabetico 7%. Mas cu tres-quart di pashent Chines no a sufri di un problema di salud pre-existente. E mortonan den e grupo aki ta menos cu 1%.

Aki bou por mira con coronavirus ta compara cu otro epidemianan:

Coronavirus ta compara cu otro epidemianan

Estadistica di morto por cambia segun e corona virus ta plama rond mundo. Ta importante pa remarca cu segun informacion di autoridadnan scientifico; “Cu si enberdad descubri cu tin mas caso cu ta wordo raporta, pasobra simplemente no ta detectando asintomatico (personanan cu no tin sintomanan) of casonan di kehonan leve te cu modera, unda e pashentnan no ta bay busca cuido medico, lo por conduci cu e calculacion di morto relaciona cu coronavirus lo baha.

En total, COVID-19 te cu 2 di maart 2020 tin 3,084 hende cu a fayece vs 45.581 casonan caminda hende a recupera di e infecion. En total tin 84.241 caso registra.
E epicentro di e virus ta na Wuhan, central di China den e parti mas popula di e ciudad y te cu awor a plama pa casi 47 otro pais. Mas o menos 95% di e casonan ta den China mes.

E unico manera pa mitiga e COVID-19 ta pa tuma e accionnan necesario di prevencion, manera laba man cu habon of uza hand sanitizers (>60% alcohol).

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options