Departamento di Impuesto ta start e campaña pa yena papel di belasting 2018

ORANJESTAD – Departamento di Impuesto ta informa su clientenan cu dialuna 18 di november 2019 campaña pa yena e formulario di declaracion di inkomstenbelasting 2018 ta start.

E clientenan cu tin dificultad pa yena e formulario por acudi libremente na un di e sitionan unda e personal di Departamento di Impuesto lo ta cla pa brinda ayudo y no tin mester di haci un cita.

 Kendenan por participa?

  1. Tur persona soltero cu tin un entrada bruto di no mas cu Afl. 75.000,-;
  2. Tur persona casa cu – hunto - tin entrada bruto di no mas cu Afl. 150.000,-.

No por brinda ayudo na esnan cu tin un empresa propio of cu ta traha riba nan mes.

Na unda lo duna ayudo?
Fecha Sitio Orario
Dialuna 18 di november 2019 YMCA San Nicolas  8:00 am –  4:00 pm non stop
Diamars 19 di november 2019 YMCA San Nicolas 8:00 am -  4:00 pm non stop
Diaranson 20 di november 2019 YMCA San Nicolas 8:00 am –  4:00 pm non stop
Diahuebs 21 di november 2019 YMCA San Nicolas 8:00 am –  4:00 pm non stop
Diabierna 22 di november 2019 YMCA San Nicolas 8:00 am –  4:00 pm non stop
Dialuna 25 di november 2019 Biblioteca Nacional Oranjestad 8:00 am –  4:00 pm non stop
Diamars 26 di november 2019 Biblioteca Nacional Oranjestad 8:00 am –  4:00 pm non stop
Diaranson 27 di november 2019 Biblioteca Nacional Oranjestad 8:00 am –  4:00 pm non stop
Diahuebs 28 di november 2019 Biblioteca Nacional Oranjestad 8:00 am –  4:00 pm non stop

Trece documento

Departamento di Impuesto ta pidi su clientenan pa trece e formulario di declaracion di aña 2018 hunto cu tur comprobante necesario relaciona cu entrada y gasto, tanto na Aruba como den exterior. Alabes ta importante pa duna e datonan personal di e pareha casa y e yiunan.

Despues cu caba di yena e declaracion e cliente por entrega esaki mesora y lo ricibi un comprobante. E clientenan cu nan mes a yena e declaracion por pasa entrega esaki na un di e sitionan di ayudo durante e dianan di ayudo.

E ultimo dia pa entrega e declaracion di inkomstenbelasting 2018 ta 9 di december 2019.  Despues di e fecha aki no lo duna mas prolongacion di termino.

Por sigui e pagina di Facebook di Departamento di Impuesto pa keda bon informa na tur momento.

https://www.facebook.com/impuestoaruba/http://www.facebook.com/impuestoaruba/

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options