Departamento di Impuesto ta cera diabierna awor

ORANJESTAD – Departamento di Impuesto ta participa cu diabierna awor, dia 29 di november 2019, su oficinanan lo ta cera henter dia en conexion cu reflexion interno pa cu Dia di Belasting.

Esaki ta nifica cu diabierna awor lo no tin servicio na publico tanto na oficina principal na Camacuri como na MFA Noord, MFA Paradera, MFA Santa Cruz, MFA Savaneta y Oficina di gobierno San Nicolas.

Departamento di Impuesto ta pidi su clientenan pa tuma nota di e participacion aki pa evita cualkier inconveniencia.

Dialuna, dia 2 di december 2019, Departamento di Impuesto ta habri bek y tur servicio lo continua manera custumber.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options