Den cuadro di e normal nobo Departamento di Salud Publico ta informa cambionan den su operacion

ORANJESTAD - De Directie Volksgezondheid (DVG) past haar diensten aan om te voldoen aan het nieuwe normaal.

DVG tin diferente seccion cu ta brinda servicio na comunidad. Den cuadro di e normal nobo unda mester cumpli cu e reglanan stipula di distancia fisico, preveni aglomeracion y un bon higiena, DVG mester a adapta y introduci cambionan. E cambionan aki ta cuminsa entrante dialuna 11 di mei 2020. E servicionan di DVG cu no ta wordo menciona aki bou ta den preparacion ainda y nan operacion lo wordo anuncia despues.

Certificado di Salud (Carchi Berde)
Nos lo cuminsa duna servicio prome na esnan cu ta aplica pa prome biaha of cu mester renoba. Esnan cu tin Certificado di Salud pa busca, nos lo informa di e proceso den un proximo comunicado. Pa aplica pa Certificado di Salud mester subi riba nos website www.dvg.aw y traha un cita. Es cu no tin acceso na internet por yama via telefoon 5224277 pa informacion y traha un cita. Tur informacion tocante e rekisitonan cu mester pa por aplica pa Certificado di Salud ta disponibel riba nos website
https://www.dvg.aw/…/inspeccion-di-alimento-y-higiena_36169…

Vacuna

Esnan cu tin un recept di dokter pa busca vacuna na nos seccion di Malesanan Infeccioso mester yama 5224221/5224241/5224239 pa un cita. Pa busca vacuna sin recept di cual mester page pe. Mester haci cita via nos website www.dvg.aw.

Permiso di DIMAS

Mester yama 5224221/5224241/5224239 pa un cita

Abattoir

Pa loke ta matansa di cria y bestia chikito esaki lo sosode tambe segun cita cuminsando dia 26, 27, 28 di mei 2020. Pa traha un cita mester yama na telefon 5224310 durante ora di oficina.

Pago di servicionan

Mester wordo haci electronico via ATM.

Departamento di Salud Publico ta haci apelacion na esnan cu ta bin busca servicio na nos localidadnan pa atene nan mes na tur regla stipula. Lo no duna servicio na ningun persona malo cu sintoma di COVID-19 y lo  pidi esnan cu no atene nan mes na regla pa bandona e localidad. E medidanan introduci ta pa proteha salud di comunidad y di nos trahadornan y pa nos stop e transmision di e virus.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options