Decreto Ministerial pa prohibi molester di cacho den e area turistico

ORANJESTAD- Mirando e molester grandi na turismo di parti un of mas persona cu ta cana cu cacho riba beach y ta ofrece e cachonan aki na benta, Minister di Husticia, Siguridad y Integracion mr. Andin Bikker a informa cu a dicidi di bin cu prohibicion riba esaki.

A haci un estudio profundo riba e alternativanan di e leynan existente. Aruba su leynan ta hopi anticua pero ta trahando pa modernisa e leynan aki.

Prohibicion cacho riba beachDen e caso aki tin dos instrumento y un di nan ta e instrumento huridico penal, pero esey ta e ultimo alternativa. Tin diferente articulo, entre otro 2335 y 310 di e Codigo Penal cu ta duna e posibilidad aki pero ademas tin e ley di ordenansa di cacho cu den articulo 4 inciso 3 ta duna e posibilidad pa decreta cu  cierto area di Pais Aruba cacho no mag di yega. Minister Bikker a duna di conoce cu a traha riba esaki y e concepto di e decreto ta cla.

Lo decreta cu e area for di di Divi Phoenix te cu Ritz Carlton ta prohibi pa cacho. Lo tin dispensacion, por ehempel:

  • Pa turista cu ta biaha cu su mascota;
  • pa persona cu mester di guia di un cacho;
  • pa show di hotel riba Dia Internacional di Bestia;
  • e bisiñanan cu ta biba den e area y tradicionalmente ta cana cu nan cacho por pidi pa un dispensación.

Meta di e dereto ta pa evita cu tin persona ta molestia turista y ofrece e truista pa cumpra e cacho of básicamente ta pidi donacion pa e cachonan. Tur esaki ta causa molester innecesario y mester stop. Cu e decreto mester trata esaki, apart di loke tin den e codigo penal.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options