Deadline pa Arubalening posponi

ORANJESTAD - Pa motibo di e situacion actual relaciona cu e pandemia di Coronavirus “COVID-19”, e diferente deadline di aplicacion pa un Arubalening ta keda posponi te cu un proximo aviso.

Ta pidi studiantenan cu kier bin na remarca pa un Arubalening entrante augustus 2020 pa tuma bon nota di e procesonan adapta. Pa esaki mester acudi regularmente na website di Departamento di Enseñansa www.ea.aw como tambe Facebook page @EducationAruba caminda lo publica tur informacion.

Arubalening 2020/ 2021Documentonan di Censo
Studiantenan cu a registra caba y cu ainda mester entrega e documentonan cu ta rekeri pa busca na Censo, atencion: Ta pidi e studiantenan pa no bay Censo personalmente, ni tampoco yama Censo.

Departamento di Enseñansa Aruba (DEA) tin contacto cu Censo y ambos departamento ta keda pendiente di e desaroyonan te cu dia 31 di maart proximo y ta evalua kico ta e miho solucion pa esaki.

Riba dia 31 di maart lo informa e studiantenan a traves di website www.ea.aw kico ta e siguiente paso.

Arubalening Portal
Aplicacion pa un Arubalening desde aña 2017 ta bay via di e Arubalening Portal. Primeramente e studiante mester registra pa un Arubalening Account. Cu su Arubalening Account e studiante por login den e Arubalening Portal pa asina cuminsa cu su proceso di aplicacion.

Importante: E studiante mester percura pa aplica cu un e-mail adres valido cual lo uza pa manda notificacion y informacion importante pa e studiante. Tambe ta rekeri di e studiante cu e ta log in regularmente den su Arubalening Portal pa verifica e status di su aplicacion.

Registra
Riba e pagina  Arubalening Portal por haya tur informacion di henter e proceso di aplicacion como tambe e links pa registra y/of login den e portal.  

Info / Contact
Pa preguntanan relaciona cu Arubalening: arubalening@ea.aw of seccion Studiafaciliteiten 528 3400.

Keda up-to-date
Ta sugeri pa studiantenan acudi regularmente na website www.ea.aw como tambe sigui DEA via social media (Facebook, Twitter, Instagram) @educationaruba.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options