Cuerpo policial ta na altura di wega peligroso bou di nos hobennan

Dit item is gearchiveerd op 13-03-2020.

ORANJESTAD -  Cuerpo Policial Aruba a bin ta tuma nota di diferente videonan riba medianan social di un wega peligroso cu nos hobennan ta hunga.

E wega ta yama Skull breaker Challenge of "Reto Rompe Craneo". Ta trata di e wega caminda tres hoben para banda di otro ta cuminsa bula y un of tur dos hoben para na banda ta haak e hoben cu ta bulando memey su pianan, di manera cu esaki ta cay riba su lomba.

E hoben cu cay ta keda exponi na risico grandi di lastima su curpa di tal manera cu e por kibra cualkier parti di su curpa .
Consecuencia di esaki ta cu e por keda paralitico, bira ciego of perde conocemento permanente.

Nos di cuerpo policial ta suplica hobennan cu ta practicando e wega aki, pa stop cu esaki inmediatamente y alabes ta enfatisa cu por considera esaki como maltrato severo y tin un castigo di prison mara na dje.

Pues polis ta alerta cu ta tumando e casonan aki hopi na serio y lo actua debidamente.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options