Coronavirus lo impacta turismo!

ORANJESTAD - Minister di Turismo, Salud Publico y Deporte, Dangui Oduber a expresa su preocupacion cu e tin tambe pa nos economia cu ta depende completamente di turismo.

Gobierno di Aruba ta prepara pa atende cu salud di nos comunidad na promer lugar. Esaki ta loke ta mas importante cual tur instancia di cuido ta preparando nan mes debidamente. Coronavirus a cuminsa fin di december 2019 na Wuhan China y na e momentonan aki gran mayoria di paisnan rond mundo tin casonan registra. Danki Dios na Aruba te na e momentonan aki NO tin ningun caso registra.

Stop di plam’e – Lucha contra transmission di CoronavirusSi nos analisa e situacion mundial na China, Hapon y Italia por conclui cu Aruba tambe lo sinti e efectonan economico di esaki. For di varios siman Aruba ta preparando su mes pa atende cu Coronavirus.

E situacion economico mundial crea pa motibo di Covid-19 ta uno hopi serio. E ta un situacion di tension pasobra e ta un virus cu ta contagia hopi liher y nos ta depende di turismo. Obviamente Pais Aruba ta sigui tur e protocolnan y experto y profesional cu ta conseha gobierno tin experiencia pa atende cu e brotenan.

Coronavirus a yega Merca y nos mercado principal ta New York. E tendencia mundial ta cu lo tin menos biahamento y ya caba e industria di aerolinea a pronostica un perdida di 130 biyon dollar. No solamente e industria di aerolinea lo keda afecta sino tambe e industria crucero. Gobierno di Merca ya caba a saca un “travel warning” pa Mericanonan pa nan NO subi cruceronan. Consecuentemente esaki lo tin su efecto riba e industria y cantidad di bishitante crucero. Esaki tambe ta monitorea y ta traha un plan pa prepara riba e caida aki cu lo ta inevitabel manera situacion ta mustra actualmente.

Gobierno hunto cu ATA y APA a prepara un plan di contingencia caba cu lo activa si ta necesario.
Aruba a pasa den momentonan hopi difcil den pasado cu a afecta nos turismo y economia enormemente. Por corda riba 911, Natalee Holloway y tambe e crisis financiero na anja 2008.

E crisis di Coronavirus lo tin su efectonan negativo riba turismo, nos economia, e entradanan di gobierno, GDP y locual nos tur ta spera cu esaki no lo ta asina devastador pa nos economia manera cu ta sosodiendo na otro paisnan. Ta dificil anticipa e efectonan pero ta un hecho cu Aruba lo sinti esakinan.

Nos ta sigui monitorea y percura pa nos tin un plan di rescate economico pa activa esaki ora tin mester di dje cual ta di sumo importancia.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options