Condecoracion Real 2020 adapta lo tuma luga diabierna 24 di april

Dit item is gearchiveerd op 08-05-2020.

ORANJESTAD -Kanselarij der Nederlandse Orden a anuncia riba 25 di maart pasa cu e Condecoracion Real (Algemene Gelegenheid - lintjesregen) planea lo continua riba 24 di april proximo, aunke na un manera adapta.

Condecoracion RealRiba 23 di april Gobernador di Aruba, S.E. Alfonso Boekhoudt, lo tuma contacto telefonico cu e ciudadanonan Arubiano cu lo ricibi un condecoracion real pa informa nan cu Su Mahestad e Rey tin e placer di condecora nan den un ridderorde. Riba 24 di april lo publica un edicion special di e Gaceta Oficial (Staatscourant) den cua nomber di tur e condecoradonan ta menciona. Di e forma aki tur esnan cu a haci un contribucion special na comunidad toch por haya nan aprecio, aunke entrega di Condecoracion Real mes no por tuma luga mas riba 24 di april. Debi cu e ceremonia di entrega di e Condecoracionnan Real no por tuma luga riba 24 di april, lo busca un momento denter di Reino unda ainda e por tuma luga. Riba ki fecha e por tuma luga ta depende di desaroyo di e coronavirus.

Den linea cu adaptacion di Condecoracion Real 2020, e Oranjeviering anual, un recepcion festivo ofreci door di Gobernador na ocasion di hacimento di aña di Rey, tampoco lo tuma luga e aña aki riba 24 di april.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options