Competencia 100 innovations pa trece dilanti ideanan nobo of existente cu e meta pa logra 100 idea innovativo

Dit item is gearchiveerd op 04-04-2020.

ORANJESTAD-  Gobierno di Aruba ta lansa un proyecto di innovacion ‘100 Innovations’ hunto cu  FUTURA. 

Ad 100 innovations‘100 Innovations’, 100 idea y proyecto di innovacion, ta un competencia cu ta habri pa tur ciudadano di nos isla y tur organisacion. E meta ta pa encurasha tur hende pa forma parti di e solucion y pa trece dilanti nan ideanan nobo of existente cu e meta pa logra 100 idea innovativo y aplicabel pa soluciona e retonan cu nos ta enfrentando como pais pa fin di aña 2020.

E tres temanan di e competencia di 100 Innovations ta: 1. planeta  - planeta (nos medio ambiente);2. e ser humano – people; 3. prosperidad - prosperity.  E programa aki ta consisti di un competencia nacional y lo inclui 3 ciclo, y cada ciclo lo pone enfasis riba un tema grandi cu ta toca nos communidad, y tambe lo yuda nos logra e Metanan Sostenibel di Nacionnan Uni pa 2030, e  SDGs (Sustainable Development Goals), cu ta un base (framework) cu Gobierno a adopta den su maneho integral.

E tres temanan di e competencia di 100 Innovations ta:

  1. planeta  - planet (nos medio ambiente);
  2. e ser humano - people
  3. prosperidad - prosperity. 

Lo duna mas informacion tocante e competencia di 100 Innovations den e siguiente dianan y lo ta obtenibel riba pagina di Facebook di FUTURA.

Pa mas informacion bishita e pagina Facebook y Instagram di 100 Innovations cu ta OneHundredAruba.

      

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options