Colegio Pastoor Kranwinkel na Paradera lo bira e di dos E-learning project

ORANJESTAD – Riba 24=3 di januari 2020, Colegio Pastoor Kranwinkel na Paradera a ricibi e grato noticia cu nan lo bira e di dos e-Learning Project. 

Pancho Croes di FUTURA, directora di SKOA, Juffrouw Baly,  Prome Minister mEvelyn Wever-Croes,   Cabesante di e scol, señora Angeline Leung, Minister di Enseñansa Armando Lampe y Chief Innovation Officer Varelie Croes durante bishita  na Colegio Pastoor Kranwinkel.Prome Minister mr. Evelyn Wever-Croes hunto cu Minister di Enseñansa dr. Armando Lampe, Directora di SKOA, Juffrouw Baly, Chief Innovation Officer Varelie Croes y Pancho Croes di FUTURA, a bishita e scol pa asina duna e bon noticia aki na Colegio Pastoor Kranwinkel.

Prome Minister Evelyn Wever-Croes, Minister di Enseñansa Armando Lampe,  Pancho Croes di FUTURA, directora di SKOA, Juffrouw Baly y Chief Innovation Officer Varelie Croes durante nan  bishita e na Colegio Pastoor Kranwinkel.Na luna di april aña pasa, den colaboracion cu Minister di Enseñansa, Armando Lampe, gobierno di Aruba a lansa un proyecto piloto innovativo den educacion primario pa stimula e 21Century Skills for di un edad hoben caba. Un proyecto hopi importante na unda a digitalisa Scol Basico Cacique Macuarima y Scol preparatorio Aterima.

Prome Minister a duna di conoce cu mirando e exito di e proyecto aki, y mirando tambe cu 2020 ta Aña di Innovacion y Enseñansa, Gobierno di Aruba lo percura hunto cu e docentenan pa digitalisa henter e scol. E meta ta pa digitalisa tur scol na Aruba y pone enseñansa completamente innova.

Cabesante di e scol, señora Angeline Leung a vocifera cu tawata un grato noticia cu a scoge nan scol pa wordo digitalisa. Asina dunamento di les lo ta mas agradabel pa e maestronan como tambe pa tur alumno. Señora Leung a gradici Gobierno di Aruba, SKOA y FUTURA pa scoge nan scol pa un proyecto asina grandi y bunita.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options