Charla tocante performance art y live performance di Natusha Croes na Biblioteca Nacional

ORANJESTAD - Diamars dia 15 di october pa 5:30pm lo tin un evento publico na biblioteca unda historiador di arte Ana Maria Hernandez lo duna un introduccion di Performance Art.

Durante e evento aki, artista local Natusha Croes lo duna un actuacion special en bibo y un charla tocante Performance Art.

Artista local Natusha Croes durante ensayoDen historia arte visual semper a crece y evoluciona door di artistanan cu a pusha limite y a busca manera nobo di expresion. Un di e desaroyonan mas importante den arte visual contemporaneo ta Performance Art. Den Performance Art, e artista ta uza su curpa manera instrumento di expresion. Plataforma Aruba a invita artista visual local Natusha Croes pa comparti un obra cu e comunidad di Aruba y papia mas tocante e rol cu Performance Art ta hunga den su expresion artistico.

E evento aki ta un iniciativa di Plataforma Aruba y ta forma parti di e proyecto Arte Contemporaneo den Biblioteca cu ta realisa cu e sosten di UNOCA.

Plataforma Aruba ta un fundacion non-profit cu ta desaroya actividad y proyecto pa comunidad Arubano. E proyectonan ta combina arte visual contemporaneo y enseƱansa y ta un colaboracion entre e sector cultural local y internacional.

Pa mas informacion por tuma contacto cu Fundacion Plataforma Aruba:
www.plataformaruba.org
Phone: +297 56318 33
E-mail: office@plataformaruba.org

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options