Campaña di vacunacion contra Influenza ta bay cuminsa

ORANJESTAD - Manera Departamento di Salud Publico a anuncia anteriormente e vacuna di Influenza pa temporada 2019/2020 ta disponibel na seccion di Malesanan Infeccioso situa na Avicena straat# 1 Oranjestad.

Vacuna contra Influenza/griepPa por brinda un miho servicio na e adulto mayor di 60 aña cu ta na risico y cu porta no tin transporte, nos seccion lo bay ta mas cerca di comunidad dunando vacuna na diferente localidad rond Aruba.

Aki bou ta sigui un lista di e diferente dia, orario y localidad unda nos enfermeronan lo bay ta aplicando e vacuna di influenza.

Campaña di vacunacion adulto mayor di 60 aña
Fecha Luga Orario
Diamars dia 12-11-2019 MFA Noord 09:00 pa 11:00
Diahuebs dia 14-11-2019 IMSAN 09:00 pa 11:00
Diamars dia 19-11-2019 Centro Curason Sta Cruz dilanti WGK Sta. Cruz. 09:00 pa 11:00
Diamars dia 21-11-2019 IMSAN 09:00 pa 11:00
Diahuebs dia 26-11-2019 MFA Savaneta 09:00 pa 11:00

Na e localidadnan aki lo vacuna personanan na risico cu presenta cu nan recept di doctor di cas y nan carnet di AZV. Adultonan mayor di 60 aña mester presenta solamente cu nan carnet di AZV valido. Na e postnan aki lo no ta posibel pa cumpra e vacuna.

Pa mas informacion por tuma contacto cu seccion di Malesanan Infeccioso di Departamento di Salud Publico na 5224200.

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options