Bo por expone bo arte na Biblioteca Nacional

ORANJESTAD - Biblioteca ta ofrece diferente sala caminda por pone exposicion of duna presentacion of organisa actividad.

Sala di exposicion Biblioteca Nacional ArubaCu mucho gusto Biblioteca ta facilita exposicion di arte, obra di man, coleccionnan special of informacion di temanan interesante. Asina ta trata di ofrece un publico grandi exposicionnan atractivo y interesante cu ta trata temanan actual y cada bes algo nobo. Tur espacio tin airco. Tambe tin un cura espacioso cu un stage pa teatro.
Biblioteca ta ofrece bo e oportunidad pa expone bo obranan na nan localidad na G. Madurostraat, Oranjestad. E tamaño di e espacio pa exposicion ta 16,6 m X 9,6 m. E porta di entrada padilanti ta full glas, tin rails pa colga obheto y cuadra y tin spotlights. Semper ta bon pa pasa wak e espacio prome cu tuma un decision. Si bo ta desea di organisa un exposicion cerca nos, anto por reserva e sala. En conexion cu e planning y hopi peticion, por fabor reserva na tempo.
Tambe por haci uzo di beamer y Smart TV. Pa huur sala of pa mas informacion por tuma contacto cu nan secretaria Sra. Lenchi Lopez, l.lopez@bibliotecanacional.aw.

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options