Aruba ta anfitrion pa e di dos “German-Caribbean Energy Conference”

ORANJESTAD - E di dos Conferencia Annual riba energia ta un colaboracion entre Gobierno Aleman y Gobierno di Aruba y lo tuma lugar na Aruba riba diamars 5 di november, 2019 na Renaissance Convention Center.

E enfoke principal di e conferencia aki lo ta riba Renewable Island Solutions and Energy Efficiency. Lo tin un discusion entre e participantenan Aleman y di Caribe cu e obhetivo pa logra un transicion pa energia sostenibel den e region di Caribe.

Potret di grupo Conferencia riba energia Aleman-Hulandes (German-Caribbean Energy Conference)Alemania ta un di e economianan mas grandi di mundo y un lider den transicion di energia general pa energia renobabel. E sosten y promocion pa Smart and Sustainable Energy Solutions a haci cu Alemania a bira un pais cu ta ofrece conocemiento y tecnologia mundialmente renombra. Lo presenta e temanan aki durante e di dos “German-Caribbean Energy Conference” na Aruba.

E apertura di e conferencia lo tuma lugar door di Prome Minister Sra. Evelyn Wever-Croes. E programa ta sigui cu presentacion di e prestigioso Instituto Aleman di Investigacion “Fraunhofer”, cu lo trata e tema relaciona cu e solucionnan den cuadro di Regional Energy Production and Consumption on Islands and Off-grid Regions. Ademas, Prof. Dr. Manfred Norbert Fisch lo enfoca riba eficiencia di energia den edificio y na nivel di ciudad.

E momento culminante di e conferencia lo ta e parti di e panel di discusion, cu ta consisti di experto riba tema di energia, cu lo elabora riba un vision riba transicion di energia na nos islanan den Caribe. Banda di esaki e empresarionan Aleman lo presenta nan producto innovativo y tecnologia riba Sustainable Energy Generation, Energy Efficiency, Consulting and Project Financing cu lo por realisa na Aruba y den resto di Caribe.

Logo Camara di Comercio Aleman-Hulandes (DNHK)E di dos “German-Caribbean Energy Conference” lo tuma lugar den cuadro di un mision comercial di Alemania organisa pa Camara di Comercio Aleman-Hulandes representa door di Sra. Alexandra Sierra y Sra. Elisa Gentzsch. Despues di un mision exitoso na 2018, e interes di e empresarionan Aleman ta grandi pa tey un biaha mas na Aruba. E biaha aki e empresarionan lo introduci solucion inovativo ‘made in Germany’. E delegacion Aleman e aña aki lo ta mas diverso cu esun di 2018, unda lo trata  e turbinanan di biento chikito pa sistema di bateria, pintura pa eficiencia den uzo di energia y e solucionnan pa trata “brown algea” den Biogas. Tambe lo tin oportunidad pa reuni cu e companianan Aleman na Aruba den e transcurso di dianan 4, 5 y 6 november y na Corsou riba 7 y 8 di november.

Pa mas informacion y pa registra por tuma contacto cu Sra. Elisa Gentzsch na tel. +31 70 3114 170, e-mail: e.gentzsch@dnhk.org

website: www.dnhk.org/germanenergyconference

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options