Aruba a haya di dos fiansa di Hulanda di 49.4 miyon florin, sin interes!

ORANJESTAD - Conseho di Minister di Reino diabierna 1 di mei a aproba e di dos fianza pa Aruba pa e suma di 49.4 miyon florin. 

Cu esaki gobierno di Reino ta mustra su solidaridad cu pueblo di Aruba cu ta den e peor crisis di e isla. Door cu turismo a cay afo, e ingresonan di gobiernp tambe a baha den un solo golpi cu 80%. Mientras tanto e gastonan ta subi pa combati e efectonan económico y di salud publicoucu coronavirus a causa. ma di e fiansa ta 49.4 miyon florin y ta sin interes, mescos cu e prome fiansa. E ta un asina yama “bullet-lening”, cu mester wordo paga bek despues di dos aña y na e momento ey por refinancia. Prome Minister di Aruba ta asa gradicido cu e fianza.

AREGLO DI SUBSIDIO DI SALARIO

E fiansa aki ta destina pa Gobierno yuda dunado di trabou cu un subsidio pa e por sigui paga e salario di e trahado. Talves e dunado di trabou no por paga e salario completo, pero en todo caso e subsidio aki por yuda pa gran parti di e salario wordo paga.

E crisis di corona a afecta Aruba su economia severamente y hopi compania ta confrontando problemanan serio. Den esaki 37 mil trahado ta core riesgo di perde entrada of hasta perde trabou. Gobierno di Aruba su meta ta pa purba mas tanto posibel mantene trahadonan na trabou, di companianan cu a perde 255 di nan omzet. E dunadonan di trabou c uta bin na remarke pa esaki lo haya pronto un mail di SVb pa nan por inscribi nan mes. 

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options