Aplicacion pa Prueba di Naturalisacion (e di dos ronda)

ORANJESTAD - Seccion Examenbureau di Departamento di Enseñansa Aruba ta informa cu e di dos ronda di inscripcion pa e Prueba di Naturalisacion (Naturalisatietoets) pa aña 2019 ta habri desde dialuna dia 29 di juli te cu diabierna dia 16 di augustus 2019.

Pa aplica pa e Prueba di Naturalisacion mester haci uzo di e formulario di aplicación. Den un Foyeto di Informacion por haya tur informacion necesario

 Hunto cu e formulario di aplicacion mester entrega copia di algun documento. E persona cu ta aplica mes mester percura pa saca e copianan, incluso di e formulario di aplicacion, y entrega tur hunto pa e inscripcion por tuma luga. Tambe mester trece e documentonan original pa por verifica e copianan.

Ad Prueba di naturalisacionE Prueba di Naturalisacion ta tuma luga dos biaha pa aña. E prome ronda di inscripcion ta tuma luga na luna di Januari, mientras cu e di dos ronda ta tuma luga na luna di Augustus.

Prueba di Naturalisacion desde 1 di januari 2011 ta consisti di 1 componente di conocemento di nos comunidad y structura estatal, 4 componente di idioma Papiamento y 4 componente di idioma Hulandes.

Departamento di Enseñansa Aruba pa medio di su Examenbureau ta encarga specificamente cu e prueba y no tin ningun participacion den henter e proceso di naturalisacion.

Pa informacion relaciona cu e Prueba di Naturalisacion por tuma contacto cu Examenbureau, mientras cu pa naturalisacion mester tuma contacto cu Gabinete di Gobernador di Aruba.

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options