Absentismo bou di empleado publico tambe ta subi gasto di personal

ORANJESTAD – Recientemente Banco di Seguro Social (SVb) a duna un presentacion tocante absentismo bou di trahadonan publico na Minister di Finansa, Asunto Economico y Cultura Sra. mr. Xiomara Ruiz-Maduro.

Presentacion tocante absentismo bou di empleado publico door di ing. Edwin Jacobs, director di Banco di Seguro Social (SVb)Esaki ta den cuadro di e tarea di Gobierno di Aruba pa baha gasto di personal. Pa e trabou por ta efectivo ta necesario pa tin un bista cla riba cual ta e factornan cu ta contribui na e gastonan di personal. Banda di overtime un factor cu ta hisa gasto di personal di Gobierno ta absentismo bou di e trahador publico.

Den cuadro di esaki Minister Ruiz-Maduro a haya un presentacion di e director di Banco di Seguro Social, Sr. Edwin Jacobs, hunto cu Dr. Genser p’asina por haya un bista di e absentismo den sector publico y cuanto esaki ta contribui na e gastonan relaciona cu personal di Gobierno. 

Den nan presentación,  SVb a haci comparacion di varios indicador di absentismo den sector publico y sector priva y a analisa e porcentahe di absentismo di algun departamento grandi di Gobierno. Tambe a analisa cuanto e absentismo laboral ta costa sector publico y sector priva. 

Presentacion tocante absentismo bou di empleado publico door di ing. Edwin Jacobs, director di Banco di Seguro Social (SVb)Den e tabel adhunto por wak e comparacion di absentismo entre e trahado publico y e trahado den sector priva.

2018
Comparacion entre e empleado publico y e empleado den sector priva
Empleado publico Empleado den sector priva
Cantidad di empleado 4534 (sin personal di educacion) 42735 empleado priva registra na SVB
Notificacion di absentismo (AO) 5 biaha 1.3 biaha
Duracion AODuracion AO 9 dia 5 dia
Porcentahe absentismo 8.6% 2.9%
Gasto anual 62,8 miyon florin 32,8 miyon florin
Gasto promedio pa empleado 7233 florin 1470 florin

Den e presentacion tambe e ehecutivonan di SVb a presenta e posibel solucion pa baha e absentismo den sector publico. Dentro di poco SVb lo brinda e presentacion aki na Conseho di Minister. Despues lo sigui reunionnan cu mas departamento den diferente Ministerio p’asina hunto logra atende y yega na solucion factibel pa baha e gastonan di personal relaciona cu absentismo di personal di Gobierno di Aruba.

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options