Scohe pa un calidad di bida sin plastic di un solo uzo

ORANJESTAD –  Na final di 2018, Gobierno di Aruba a anuncia e campaña ‘Choose Zero’, cual ta encera nada di plastic, nada di foam y nada di oxybenzone.  

Alternativa pa productonan di plasticDirectie Natuur en Milieu (DNM) ta splica pueblo mas di e proyecto di ley cu ta encera prohibicion di importacion, produccion, benta y entrega gratis di productonan di plastic di un solo uzo y productonan antisolar (subscreen) cu ta contene e kimico oxybenzone.

Den Industria di Plastic, ta existi un sistema di codificacion di reciclahe den cual tin 7 categoria di plastic. Riba un producto tin indica:  PET, HDPE, PVC, LDPE, PP, PS y otro. Esun ultimo por ta un combinacion di algun.

Sushi di plasticDen clasificacion por wak si e producto ta haltamente venenoso, su nomber scientifico y su uzo general. Algun ehempel:

  • PET, ta e plastic uza pa boternan di refresco of awa.;
  • PP ta uza pa produccion di mueble como tambe piezanan di auto.

Productonan di plastic di un solo uzo ta haya cualificacionan diferente, manera foambox, cups, tayonan, forki/cuchiu/cuchara di plastic y straws (pijp). E productonan aki ta esunnan cu DNM ta recomenda pa cambia e custumber di haci uzo di nan y opta pa un alternativa mas sostenibel. Alternativanan cu ta menos dañino pa nos medio ambiente y naturalesa ta productonan cu por uza mas cu un solo biaha y cu ta ecofriendly.

Sushi di plasticEsakinan ta:

  • productonan di plastic mas duro;
  • porcelana;
  • glas;
  • stainless steel;
  • carton;
  • material biodegradable manera bamboo of seaweed.

Algun alternativanan pa uzo di straw/pijp ta:

  • pijp di stainless Steel;
  • carton;
  • papel;
  • of scohe di no uza uno mes.                                                                               

Ta berdad cu e productonan di plastic di un solo uzo ta mas facil pa hopi hende y ta bira un custumber. Pero e aumento drastico di sushi a yega na un estado critico unda e plastic tambe ta afecta nos medio ambiente y naturalesa. No ta solamente riba tera ta hay’e, pero e ta drenta lama y afecta bida marino. Plastic di un solo uzo cu ta keda den nos naturalesa, y directamente of indirectamente ta bira parti di nos  cadena di consumo (voedselketen). Diferente animal ta ingeri plastic y ta muri. Diferente investigacion marino riba piscanan ta indica cu ta haya plastic den nan stoma.

Parha morto cu stoma yena cu plasticTur aña hopi di nos ta aporta na haci nos playanan y areanan limpi  Esaki ta keda importante, ya cu e tin su beneficionan. Ta saca hopi sushi, no solamente di plastic pero di otro material tambe, for di nos medio ambiente y deposita nan na e luga asigna pa ley.

E proyecto di ley cu ta encera prohibicion di importacion ta un instrumento preventivo pa loke ta trata e efectonan negativo y indesea di plastic di un solo uzo. Consecuencia di esaki lo ta cu ta bay tin menos producto di plastic di un solo uzo den circulacion y  nan lo no forma parti mas di nos desperdicio. Esaki lo haci cu e procesamento di sushi lo socede na un manera mas limpi.

DNM ta encurasha un y tur pa haci e cambionan necesario den nan bida diario pa stop e custumber di uza plastic di un solo uzo. Opta pa otro alternativa y scohe pa hiba un bida sin plastic di un solo uzo.