Remedi Valsartan di e fabrica Pharmachemie saca for di mercado pa motibo di contaminacion

ORANJESTAD - Inspectie Volksgezondheid Aruba (IVA) a haya notificacion cu saca un cierto produccion (batch) di e remedi Valsartan di e fabrica Pharmachemie for di mercado na Boticanan na Aruba pa motibo di contaminacion.

Ta prescribie remedi Valsartan pa individuonan cu ta sufri di presion halto y cu problemanan di curason.

RVG-numberE accion di e batchnan di Valsartan di Pharmachemie cu a  saca for di mercado na augustus 2018 ta trata di e producto N-nitrosodimethylamine (NDMA). E biaha aki e batchnan ta contene e stof N-nitrosodiethylamine (NDEA): un producto cu door di e proceso di fabricacion di Valsartan lo por wordo crea  y cu posiblemente por aumenta e probabilidad pa haya cancer. Sinembargo, e chens cu en berdad por haya cancer door di bebe e remedi Valsartan cu ta contamina cu NDEA  ta hopi chikito.

Na Aruba e remedi generico valsartan ta obtenibel cu receta di dokter na botica. E compania  farmaceutico Pharmachemie na Hulanda cu ta produci y distribui e remedi Valsartan a avisa e importadonan di remedi na Aruba y Inspectie Volksgezondheid Aruba di e contaminacion y e riesgo. E importadonan a verifica cu tin batches contamina cu a wordo importa na Aruba y a tuma e accionnan necesario pa informa e boticanan debidamente. Seguidamente, e boticanan a kita e batchnan aki for di nan botica.

Riba e potret tin indica con pa haya e RVG-nummer riba e paki di remedi .

Aki bou por haya e carta di  e compania farmaceutico cu lista completo di e batchnan cu a saca for di mercado: