Recordatorio entrega proposicion pa condecoracion real 2019

ORANJESTAD – Decoratie Commissie Aruba ta recorda tur persona interesa cu te cu 17 di augustus 2018 proximo por entrega proposicionnan pa Condecoracion Real na ocasion di celebracion di Aña di Rey.

Ad Condecoracion real 2019Pa un persona por bin na remarca mester tene cuenta cu e accento ta cay riba prestacionnan particular den comunidad y specialmente riba tereno boluntario, pues trabounan pa cual e persona no a/ta ricibi pago. Prestacionnan particular cu un persona a haci contra pago por agrega nan solamente si nan ta di un caliber y nivel cu nan tabata di balor excepcional pa desaroyo economico di Aruba. Tur persona of instancia cu conoce un persona cu na su opinion ta merece un condecoracion real por entrega un proposicion. Mester entrega e proposicion den un envelop cera pa medio Comision Condecoracion Real Aruba na oficina di Ministro di Asuntonan General na Bestuurskantoor.

Pa entrega un proposicion pa condecoracion real mester haci uzo di dos formulario special. E formularionan ta obtenibel na balie abou na entrada na Bestuurskantoor na Playa of cerca e miembronan di Decoratie Commissie Aruba. Mester yena e formularionan completo y detayadamente y tur instancia menciona mester firma e proposicion tambe. Ultimo dia pa entrega un proposicion pa un condecoracion real pa aña 2019 ta diabierna 17 di augustus 2018.


E formularionan adhunto ta sirbi pa duna tur informacion tocante e persona:

Den caso cu tin cualkier pregunta of pa mas informacion por tuma contacto cu sra. F. Perez-Lopez di Comision Condecoracion Real Aruba:, tel 583-8425, of via email:   decoratieciearuba@hotmail.com.