Recordatorio entrega formulario Registro di Personal 2017-2018

Dit item is verlopen op 20-04-2018.

ORANJESTAD – Departamento di Labor (DAO) ta recorda tur negoshi pa entrega nan registro di personal durante e periodo 1 maart 2018 te cu 4 mei  2018.

Segun articulo 30, di dos inciso, di Ordenansa Laboral 2013 (Arbeidsverordening 2013) e dunado di trabou ta obliga di entrega e registro di personal na Departamento di Labor (DAO).

E registro di personal ta consisti di tres parti:

  • Modelo 1A e personal actual manera registra na december 2017;
  • Modelo 1B e necesidad pa personal pa 2018 
  • Modelo 1Ce necesidad di personal pa cada proyecto 

Adhunto por haya e documento y formulario necesario.

E aña aki e unico forma cu por entrega e Registro di Personal ta den e forma digital.

DAO ta haci un peticion pa hinca e datonan den e formulario digital, segun e modelo stipula pa ley  y manda nos esaki na e e-mail adres arbeidsmarktonderzoekaruba@gmail.com.

Den caso cu bo compania tin mas sucursal, DAO ta haci un peticion pa yena un formulario cu tur dato di trahado y pa indica cua trahado ta rouleer na bo sucursalnan (trahado cu ta traha na diferente sucursal), door di pone un strea (*) den kolom patras di e kolom No. ariba e formulario digital. Tambe nos kier a informa cu ta obligatorio pa yena tur 3 modelo. Den caso cu no tin necesidad pa personal of necesidad pa personal pa cada proyecto specifico pa 2018, ta yena nihil ariba modelo 1B y modelo 1C.

DAO lo manda bo via un e-mail un comprobante cu a ricibi bo formulario di Registro di Personal 2017-2018. Tene cuenta c’e comprobante di entrega no ta implica aprobacion d’e Registro di Personal 2017- 2018. DAO ta mantene 6 luna desde fecha di entrega pa por aproba of desaproba  e Registro di Personal 2017-2018.

Ta brinda ayudo

DAO lo ta habri ariba e siguiente dianan pa brinda ayudo den digitalisa e datonan solamente pa empresa cu tin menos di 10 empleado. Pa por brinda e servicio aki, e empresa mester ta disponi di tur datonon segun e modelo 1A, 1B y 1C. 

DAO zal op de volgende dagen hulp aanbieden in het digitaliseren van de gegevens van bedrijven van minder dan 10 werknem4ers. Om deze dienstverlening te kunnen bieden, moet het bedrijf over alle gegevens volgens het model 1 A, 1 B en 1C beschikken.

Fecha Dia Lugar Orario
21 april 2018 Diasabra Oficina DAO 9.00 am - 2.00 pm
28 april 2018 Diasabra Oficina DAO 9.00 am - 2.00 pm
02 mei 2018 Diaranson Oficina DAO 4.30 pm - 7.00 pm
03 mei 2018 Diahuebs Oficina DAO 4.30 pm - 7.00 pm

Incumplimento

Minister di Labor na februari ultimo a aproba e maneho nobo riba supervision, control y sancion di Inspeccion di Labor y  lo cuminsa actua segun e maneho aki na momento cu ta constata violacion di e leynan laboral. Despues di e periodo di  entrega e dunado di trabou cu no entrega e Registro di personal ta den incumplimento cu art. 30 di Ordenansa Laboral 2013.

Sancion administrativo

Riba violacion di art. 30 lo por aplica un sancion administrativo di afl. 5000,- den forma di un ‘Last onder dwangsom’ caminda e dunado di trabou lo wordo avisa cu e ta den incumplimento y e ta haya un cierto tempo pa coregi e violacion. Si den e tempo stipula e no haci esaki lo formalisa e ‘dwangsom’ caminda e lo mester paga e suma di afl. 5000,- pues ta depende di e dunado di trabou finalmente si ta sigi un sancion administrativo si of no. Na final locual kier logra ta cu e dunado di trabou ta cumpli cu ley y mirando cu e infraccion por wordo coregi ta duna un ultimo chens pa coregi esaki prome cu e resulta den un sancion.

Si tin mas pregunta tocante e Registro di personal por tuma contacto cu Sra. Louisetty Croes na 5237722 of via email Louisetty.Croes@aruba.gov.aw of cu un funcionario di Bureau Arbeidsmarktonderzoek na 5237720.