Rapport IMF Article 4 Mission na Aruba ta positivo

ORANJESTAD - Riba 5 di juni 2019 IMF a publica e raport di e  evaluacion di IMF pa loke ta trata Aruba su situacion financiero y economico.

Cada dos aña IMF ta haci un evaluacion di nos situacion financiero y economico, un asina yama Article 4 Mission. IMF tabata pa dos siman na Aruba y a hiba conversacion cu tur sector: publico, priva, NGO’s, Gobierno y oposicion.

IMF su publicacion ta hopi positivo pa Aruba. Si nos compara cu e mesun publicacion di dos aña pasa, esta 2017 na unda IMF ta conclui pa ambos aña: “2017: growth is weak” vs “2019: outlook is broadly positive”.

Pa 2019, IMF ta premira un crecemento economico di 0.7% real, cu ta ekivalente na 2.4% nominal, siendo cu den presupuesto nos a tene cuenta cu crecemento di 1% so nominal. Cu esaki IMF ta mustra cu nan tin confiansa cu nos economia lo crece mas cu nos a tene cuenta cu n’e. Y esaki ta locual nan ta yama “baseline”, pues sin cu nos tene cuenta cu otro esfuersonan manera e vision economico di e 6 sectornan prometedor manera Minister di Asuntonan Economico y Finansa, Xiomara Ruiz-Maduro ta trahando riba dje.

Pagina di internet IMF raport riba Aruba: https://www.imf.org/en/Countries/ABW

Pa añanan despues di 2019, nan ta premira un crecemento economico real di 1.1%, cu ta ekivalente na 3% nominal, cu tambe ta mas halto cu locual nos a tene cuenta cu n’e den e proyeccionnan di mas aña. Conclusion: IMF tin confiansa den nos economia, cu ta recuperando poco poco pero sigur.

Riba e Plan financiero economico pa pone nos finansas publico bek den e bon rumbo, tambe IMF ta positivo. Riba e reforma fiscal tambe nan a duna comentario positivo.

IMF a constata cu inflacion aña pasa a yega 3.6%, cual tabata debi na prijs di crudo cu a subi, y na e crisistax cu a wordo introduci aña pasa. Mes momento IMF ta proyecta cu inflacion lo baha e aña aki na 1.7%

E riesgo mas grandi ta e situacion naVenezuela, maske nan ta conclui cu Aruba a maneha pa absorbe e crisis door di tuma pasonan serio pa laga e situacion na Venezuela no afecta nos. por ehempel pa importa fruta y berdura, nos a haya otro ruta. E turismo cu no ta bin mas di Venezuela, ta bin for di otro luganan.

Lesa e rapport di IMF riba nan Pagina di Internet:  https://www.imf.org/en/Countries/ABW.