Prome minister tabata na Washington den un mission conhunto relaciona cu Venezuela y refineria

Dit item is gearchiveerd op 17-06-2019.

ORANJESTAD - Prome Minister Evelyn Wever-Croes hunto cu Embahador di Reino na Washington D.C. Sr. Henne Stuwer, Ambassaseur y Premier di Corsou Eugene Rhuggenaath tabata na Washington D.C. riba dialuna 13 y diamars 14 di mei na Washington, D.C. pa atende asuntonan relaciona cu Venezuela y refinería.

E mandatario a atende un total di 16 reunion. Tres tema importante cu a cubri ta:

  • E situacion na Venezuela;
  • Refineria;
  • Desaroyo Economico. 

Premier di Corsou sr. Eugene Rhuggenaath, Prome Minister di Aruba sra. mr. Evelyn Wever-Croes y Embahador di Reino na Washington D.C. Sr. Henne Stuwer.  E SITUACION NA VENEZUELA:

Tocante e situacion na Venezuela y e situacion humanitario, e Premiernan a reuni cu; representante di USA International Development Agency (USAID), señora Bonnie Glick; cu representante di State Department sr. Elliott Abrams; Under Secretary di State Department señor David Hale; Secretario General di Organization for American States (OAS) señor Luis Almagro; Deputy National Security Advisor. Temanan trata tawata e crisis di Venezuela y e efecto cu esaki tin riba nos paisnan; e tema humanitario, tema di salud y tema di siguridad. Prome Minister a duna di conoce cu di e reunionnan aki a ricibi hopi informacion y a haci palabracionnan importante con pa sigui den e tereno aki y unda di parti di administracion Mericano por yuda den e retonan aki.

Representante di USA International Development Agency (USAID), señora Bonnie Glick, Prome Minister Evelyn Wever-Croes, Premier di Corsou sr. Eugene Rhuggenaath y Embahador di Reino na Washington D.C. Sr. Henne Stuwer.  REFINERIA:  

E reunionnan pa atende cu e tema di refineria a tuma luga na State Department, como tambe separadamente na OFAC y finalmente a reuni tambe cu Under Secretary of Treasury señor Sigal Mandelker riba e tema di licencia cu Citgo a haya recientemente. Aki Prome Minister ta indica cu a bin mas claridad riba e licencia aki cu internamente lo discuti y analisa intensivamente prome cu defini e siguiente paso cu Gobierno lo tuma. Informacionnan nobo a wordo treci dilanti cu Gobierno no tawata tin prome. Tambe, a haya indicacion cu e informacionnan cu Citgo a duna no tawata completamente corecto.

“Mi kier tuma tempo pa internamente na un forma responsabel evalua tur informacion prome cu defini e siguiente pasonan. E bon noticia cu a sali afo ta cu si Aruba mes tuma over e refineria y especialmente e terminal, e ora lo no tin problema cu OFAC pa esaki. E problema di refineria nos no por a solucion’e ainda, pero nos ta riba e bon caminda si”, Prome Minister a enfatisa.

DESAROYO ECONOMICO:

Prome Minister di Aruba sra. mr. Evelyn Wever-Croes sr. Elliott Abrams, Special Representative Venezuela na State Department y Premier di Corsou sr. Eugene RhuggenaathReunionnan cu Camara di Comercio na Merca y cu varios grupo di Banco Mundial (World Bank) pa yuda Aruba riba e tema di desaroyo economico di nos pais tambe tawata fructifero. Prome Minister a presenta e vision economico cu Minister di Economia y Gobierno di Aruba a presenta recientemente. Ambos instituto a keda hopi interesa. A haci varios contacto pa sigui negosacionnan y pa hunto busca inversionistanan pa inverti den nos economianan di Aruba y Corsou.

Ademas a reuni cu ‘Doing Business Team’ di Banco Mundial, cu tin un proyecto hopi interesante pa yuda paisnan haci nan sistema mas facil y agil. Esaki lo ta un gran beneficio pa comerciantenan haci negoshi na Aruba. Pa lanta un negoshi y tur e burocracia con pa atende cu negoshi. Esaki na Aruba ta un reto cu ta atende cu n’e. A haci cierto palabracionnan tambe riba e topico aki.

Finalmente, a haci un bishita na congreso pa reuni cu algun miembro di congreso caminda a bolbe trece dilanti e efecto y impacto cu e crisis migratorio tin pa Aruba y Corsou. Congresistanan Mericano a demostra nan comprension pa e tema aki.