Limite di salario a aumenta entrante 1 januari 2019

ORANJESTAD - Ministerio di Asuntonan Social y Labor y Departamento di Labor y Investigacion (DAO) ta informa cu e limite di salario pa aplicacion di e Ordenansa Laboral 2013 (Arbeidsverordening 2013) lo subi entrante 1 januari 2019.

Entrante 1 januari 2019 e factor cu ta uza pa calcula e limite di salario pa aplicacion di e Ordenansa Laboral 2013 ta aumenta di 2.4 pa 2.5.
E limite di salario nobo lo ta entrante 1 januari 2019. Ta determina e limite di salario door di multiplica e salario minimo cu un factor di 2.5.

Salario minimo (Awg. 1.711,15) x factor 2.5= Awg. 4.277,88

Esaki ta encera cu trahadonan cu ta gana un salario di Awg. 4.277,88 pa luna of Awg. 51.334,56 pa aña of menos ta cay bou di proteccion di e Ordenansa Laboral 2013 y tin derecho riba tur e condicionnan di trabou stipula den e ley aki, manera orarionan maximo di trabou pa dia y pa siman, dianan di sosiego, pago di overtime y pago riba dianan di fiesta